Neemia 5:2 - Tosi Tapu

² Na pati a iki : Ko matou, mo omatou vosa ti mo omatou taineliki, e motou toka api ai ; ke soli mai kia matou se fulumeto ke motou kai, ti e motou mauli loa.

Neemia 5:2 Iomraidhean Croise

Senesi 41:57

Ti na au loa mei fenua fuli ki Esipito, o totogi fulumeto ia Sosefo ; talie na veli ai le oge i fenua fuli.

Senesi 42:2

Ko leinei, e kau logo e maua se fulumeto i Esipito. Kotou ifo ki ai o totogi mai se fulumeto ke tou mauli ai, ti ke aua na tou mamate.

Senesi 43:8

Na pati loa Suta kia Iselaele : Tamana, tuku mai le toe ke ano mo au ! E tonu ke motou tutuu nei o ano, mo kapau e ke loto ke tou mauli, kae ke aua na tou mamate, tatou mo atatou fanau.

Senesi 47:19

Kolea loa ke motou mamate ai i ou mua, kae tuu noa omatou kele ? Ke ke totogi matou mo omatou kele, kae ke ke soli mai kia matou se nea kai. Ti ko matou mo omatou kele, e motou fakasausau loa kia Falaone, talie e leaise motou fia mate. Soli mai kia matou ni pulapula ke to ti ke motou mauli ai, ti ke aua na tuu noa omatou kele.

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Neemia 5:3

Ti na pati ni iki : E tonu ke motou fakamaoki ki amatou faisaga, mo amatou vite, mo omatou fale, o tupu ke totogi ai se fulumeto i le oge.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Tetelonome 23:19

Ke aua na ke fakamaua ki lou taina se tupu o se paaga, pe ko se magiti, pe ko se nea fua leia na ke soli maua kiate ia.