Neemia 5:19 - Tosi Tapu

¹⁹ Ei loku Atua, ke ke manatui au, o tapuaki kiate au o mulimuli ki nea fuli ala na kau fai ki le kakai leinei !

Neemia 5:19 Iomraidhean Croise

Senesi 40:14

Kae kau kole atu kiate koe, ke ke manatu mai loa kiate au, i le aso leia e ke manuia ai loa. Ke ke fakasa lou alofa kiate au, o masau kia Falaone o uiga mo au, ke kau mavae la i le fale pilisoni leinei ;

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:31

ti mo le nea o uiga mo le moliga fafie i lakaga kua fakatuutuu ki ai, ti mo uluaki fua. Ei loku Atua, ke ke manatui au, o agamalie mai kiate au !

Pesalemo 106:4

Eteleno, manatui au i lou alofa ki lou kakai ! Manatui au i lau tuku kiate ia lou tokoi,

Pesalemo 40:17

Kae ko latou fuli ala e afa ia a koe Ke lotou nekenekea mo fiafia iate koe, Ko latou fuli ala e alofa ki lou fakamauli Ke lotou pati tuumau : ke fakafetai ki le Eteleno !

Selemia 29:11

Talie e pati le Eteleno, e kau iloa a fakatuutuu ala kua kau fai kia koutou, ko fakatuutuu o le tokamalie kae leai o le malaia, o tupu ke soli kia koutou se apogipogi mo se amanaki malie.

Mateo 10:42

Ti ko leia e soli ia loa se ipu vai momoko e tasi ki se tasi i toe liliki anei talie ko laku tisipulo a ia, e kau pati maoki atu kia koutou, e leaise puli loa lona fakapale.

Maleko 9:41

Ti ko leia e soli ia loa kia koutou i loku suafa se ipu vai ke inu, talie e kotou kau kia Kilisito, e kau pati maoki atu kia koutou, e leaise toe puli loa lona fakapale.