Neemia 4:2 - Tosi Tapu

² Na gologolo loa a ia ki le kau Sutea, o pati i mua o ona fetaina ti mo mua o le solia o Samalia : Kolea e lolotoga fai e le kau Sutea gagae lena ? Pe tou tuku loa latou ke fai ? Pe lotou momoli loa ni sakilifisio ? Pe lotou fakaoki loa ? Pe lotou toe fakamauli loa ni fatu ala kua tanumia i se kele matotolu ti kua tutu e le afi ?

Neemia 4:2 Iomraidhean Croise

Esetalasi 4:4

Koia na fakalotogaegae ai loa e le kakai o le fenua le kakai o Suta ; na lotou fakaii loa kia latou ke taofi ai le gaoi o le fale,

Neemia 12:27

I le aso na fakatapui ai a paa fatu o Selusalemi, na kalagai loa le kau Levi mei potu fuli ala na lotou nonofo ai, ti na aumai loa latou ki Selusalemi ki le fakatapu o le paa fatu, o tupu ke lotou fai le fakatapu o le paa fatu i se fiafia lasi, mo ni sua fakafetai, mo ni katiko, mo ni musika, mo ni sapale, mo ni lute mo ni alepe.

Neemia 12:43

Na momoli loa i le aso lena ni sakilifisio lasi, i le fiafia, talie na tuku e le Atua se fiafia lasi ki le kakai. Na fiafia foki a fafine mo toe, ti na logo loa ki mamao a kalaga fakafiafia o Selusalemi.

Neemia 4:10

Kae na pati a Suta : Kua ikiiki le makeke o le kau amo, kae lasi ai a maumau ; e leaise tou mafai loa le lagai o le paa fatu.

Neemia 6:15

Na oki loa le paa fatu o le kolo i le aso kau lua tupu lima o le masina o Elule : na aso kau lima tupu lua.

Pesalemo 83:4

E lotou fai ki lou kakai ni fakatuutuu ala kua apele i le kaka, Ti e lotou fakakaukau veli fakatasi ki le kakai leia e ke malui.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 4:10

Talie ko latou ala na nukinuki ki le aso o ga kamataaga liliki e fiafia loa i le tio ki le nivo i le lima o Solopapele. Ko malama anei e fitu ko mata o le Eteleno, ala e taka i le malama nei katoa.

Uluaki tosi ki le kau Kolinto 1:27

Kae kua filifili e le Atua a nea valelea o le malama nei ke fakalumai ai le kau poto ; ti kua filifili e le Atua a nea gagae o le malama nei ke fakalumai ai le kau makeke ;