Neemia 3:26 - Tosi Tapu

²⁶ Ko le kau Netinia ala na nonofo i le mauga na gaoi loa o kaku ki le matapa o atu vai, i le potu esite, i le tule leia na tuu i fafo.

Neemia 3:26 Iomraidhean Croise

Uluaki tosi o Koloniko 9:2

Ko uluaki kakai ala na kaku o toe nonofo i olatou tofiga, mo olatou kolo, ko ni kakai Iselaele, mo ni tagata faisakilifisio, mo ni kau Levi, mo ni kau Netinia.

Lua tosi o Koloniko 27:3

Na lagai loa e Sotame le matapa taualuga o le fale o le Eteleno, ti na fai loa e ia ni gaoi mauke i aluga o kaua o le mauga.

Lua tosi o Koloniko 33:14

I le oki o nea ana, na laga loa e ia i tafa o le kolo o Tavite, i le potu uesite, i le fetuu o Kioni, i le vaivailiua, se paa taualuga, leia na ano o kaku ki le matapa o ika, ti na takatakai ia le mauga ; na toe tuku foki e ia ni pule solia ki kolo tau fuli o Suta.

Neemia 10:28

Ko le toega o le kakai, mo le kau tagata faisakilifisio, mo le kau Levi, mo le kau tuu matapa, mo le kau sua, le kau Netinia, mo latou fuli ala na mavae kese mei kakai matapule o tausi le lao a le Atua, mo alatou avaga, mo olatou vosa, mo olatou taineliki, latou fuli ala kua maua ia se iloa mo se poto,

Neemia 11:21

Na nofo loa le kau Netinia i le mauga, ti na pule loa Tesika mo Kisepa kia latou.

Neemia 12:37

I le matapa o le matapuna vai, na lotou pale loa i le takakega leia e ano ki le kolo o Tavite, leia na tuu i olatou mua, i aluga o le fale o Tavite, o kaku ki le matapa o vai, i le potu esite.

Neemia 3:27

Na olo mai loa kia latou le kakai o Tekoa, ala na lagai fakafoou ia loa se tasi a koga o le paa fatu, leia na tautonu mo le tule lasi i fafo, o kaku ki le paa o le mauga ikiiki.

Neemia 8:1

Ti na fakatasi loa le kakai katoa ofaipe se tagata e tasi i le malae leia e tuu i mua o le matapa o vai. Na lotou pati loa kia Esetalasi, le sekelipa, ke aumai le tosi o le lao a Moisese, leia na tosi e le Eteleno ki Iselaele.

Neemia 8:16

Ti na ano loa le kakai o afa mai ni taulu laakau, ti na lotou fakatuu loa ni fale pola i ato o olatou fale, mo olatou malae, mo malae o le fale o le Atua, mo le malae i mua o le matapa o vai, ti mo le malae o le matapa o Efalaimi.

Neemia 8:3

Na lau loa e Esetalasi le tosi mei le usu o kaku ki le lalaatea, i le malae leia na tuu i mua o le matapa o vai, i mua o tagata mo fafine ti mo latou fuli ala na mafai ke logo ki ai. Na fakalogo malie loa le kakai katoa ki le lau o le tosi o le lao.

Esaia 32:14

Kua tiaki le fale fakasau, Kua lavaki le kolo logoa ; E liliu loa le mauga ikiiki mo le tule ko ni ana ; E manonogi loa i ai a asino vao, ti e kai loa i ai a kau manu,