Neemia 2:12 - Tosi Tapu

¹² Ti na kau tuu ake loa i le pouli mo se ga kau tagata, kae na leaise kau fakasa ki se tasi le nea leia kua tuku e le Atua ki loku loto ke fai i Selusalemi. Ti na leaise tasi ake a manu mo au i le asino leia na kau eke ai.

Neemia 2:12 Iomraidhean Croise

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Neemia 2:11

Na kau kaku loa ki Selusalemi, ti na kau nofo loa i ai i ni aso e tolu.

Neemia 2:13

Na kau ulu loa ki fafo i le pouli i le matapa o le vaivailiua, ti na kau ano loa ki le matapuna vai o le Talakone, ti mo le matapa o penu, ti na kau sivisivi loa a paa fatu o Selusalemi, ala kua solo, ti na kau fakakaukau loa ki ona matapa, ala kua tutu o okioki e le afi.

Pesalemo 122:6

Kotou kole le tokamalie o Selusalemi. Ke fiafia i le malolo latou ala e alofa kiate koe !

Pesalemo 51:18

Ka na ke loto ki ni sakilifisio, na kau momoli atu loa latou kiate koe ; Kae e leaise ke fiafia i ni failaulau.

Taagapati 12:23

E fufu e le tagata poto lona poto, Kae e fakasa e le loto o le kau vale lona valea.

Ekelesiasi 3:7

se temi ke saei ai, ti mo se temi ke tuitui ai ; se temi ke fakaleemu ai, ti mo se temi ke masau ai ;

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Amosi 5:13

Koia leia kua fakaleemu ai le tagata poto, i ni temi ofaipe temi nei, Talie kua veveli a temi nei.

Mikea 7:5

Aua na ke tui ki se kaukau nea, Aua na ke fanaki ki sou kaiga totonu ; Tapono matapa o lou gutu I mua o le fafine leia e malolo i lou fatafata.

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Mateo 2:14

Na tuu ake loa Sosefo i le pouli, o too le ga toe mo lona tinana, ti na mavae loa a ia ki Esipito.

Lua tosi ki le kau Kolinto 8:16

Kae ke fakafetai ki le Atua, i lana tuku ki le loto o Tito le fia tokaga kia koutou ofaipe maua ;

Sosue 10:9

Na kaku fakapunamauli loa Sosue kia latou, i le oki o lana saele i le po katoa mei Kilikale.

Apokalipisi 17:17

Talie kua tuku e le Atua ki olatou loto ke lotou fakasoko lana fakatuutuu ; e lotou loto tasi loa o soli olatou pule fakasau ki le manu fekai, o kaku ki le temi leia e fakasoko katoa ai loa a folafola a le Atua.

Tuifakamaau 6:27

Na too loa e Seteone ni tagata e tino agafulu i ana tagata fakasausau, ti na fai loa e ia le nea leia na pati ki ai le Eteleno ; kae na leaise fai loa e ia a ia i le ao, na fai loa e ia a ia i le pouli, o tupu na tuania ia e ia lona famili mo le kakai o le kolo.

Tuifakamaau 9:32

Koia ke ke tuu ai loa i le pouli, a koe mo le kakai leia e nofo mo koe, ti ke mumuni loa i faisaga.