Neemia 13:25 - Tosi Tapu

²⁵ Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Neemia 13:25 Iomraidhean Croise

Lua tosi o Sau 2:24

Na tagaki loa ki muli a Eliseo, o tio ki toe, ti na fakamalaia loa e ia latou i le suafa o le Eteleno. Ti na au loa ni uluso e lua mei le vao, o kai a toe e tino fa tupu lua.

Esetalasi 10:5

Na tuu ake loa Esetalasi ki aluga, o pati ki pule o le kau faisakilifisio, mo le kau Levi, ti mo Iselaele katoa, ke lotou fakapapau e lotou fai loa le nea leia kua pati ki ai Sekania. Ti na lotou fakapapau fuli loa.

Esetalasi 7:26

Ko leia e leaise fakalogo vave loa ki le lao a lou Atua mo le lao a le sau, e tautea loa ki le mate, pe ki le kapu mei le fenua, pe ki se tukusau pe ko le pilisoni.

Neemia 13:11

Na kau fai loa ni valoki ki le kau pule, o pati : Kolea kua tiaki ai le fale o le Atua ? Ti na kau tanaki loa le kau Levi mo le kau sua, o toe fakanofo latou ki lolatou tuulaga.

Neemia 13:17

Na kau fai loa ni valoki ki le kau lalasi o Suta, ti na kau pati loa kia latou : Kolea le nea veli leinei kua kotou fai, o kotou maumaui le aso o le sapato ?

Neemia 13:24

Ti na masau fakavaelua olatou fanau ki le masau o Asetoti, kae na leaise lotou poto i le masau fakaepeleo ; na lotou poto fai i masau a fenua matapule.

Neemia 5:13

Ti na kau tutuui loa loku taupulupulu, o pati : Ke tuui feneeki loa e le Atua a tagata fuli mei lona fale mo ona koloa, leia e leaise fai loa ki le nea kua pati ki ai, ke tuui feneeki a ia, ti ke nofo mativa a ia ! Ti na pati loa le fakatasiga katoa : Amene ! Na lotou fakafetai loa ki le Eteleno, ti na fai loa e le kakai o mulimuli ki lalatou fakapapau.

Neemia 5:6

Na kau ita lasi ai i laku logo ki alatou tagi mo masau ana.

Pesalemo 119:53

E kau maua e se itaita veli i le tio ki le kau agaveli, Ala e tiaki ia lau lao.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Ekesote 34:16

talie ke aua na ke too ia olatou taineliki ki ou vosa, ti ko olatou taineliki, ala e tausi ki olatou atua, ke aua na lotou toso ia ou vosa ke tausi ki olatou atua.

Taagapati 28:4

Ko latou ala e tiaki ia le lao e vikiviki ki le tagata agaveli, Kae ko latou ala e tausi ki le lao e iita kiate ia.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 7:3

Ke aua na ke fai ia loa se avaga mo puleaga ana : ke aua na ke soli loa ou taineliki ki olatou vosa, ti ke aua na ke too ia loa olatou taineliki ki ou vosa ;

Sosue 23:12

Kapau e kotou titua loa kiate ia, o pipiki loa ki le toega o puleaga ala koi nonofo ia koutou, ti kapau e kotou fakatasi loa mo puleaga ana i ni avaga, ti kapau e kotou filo loa mo latou,