Neemia 13:18 - Tosi Tapu

¹⁸ Pe na leaise fai le nea lena e okoutou tamana, o tupu ai le tuku e le Atua o malaia fuli anei kia tatou mo le kolo leinei ? Ti ko koutou, e kotou toe aumai lona sausau ki Iselaele, i lakotou maumaui le sapato !

Neemia 13:18 Iomraidhean Croise

Neemia 10:32

Na motou fai foki ni fakatuutuu ke fakamaua matou i le fetuu fuli ke soli se fa piesi paaga ki le tausi o le fale o lomatou Atua,

Ekesote 31:12

Na masau loa le Eteleno kia Moisese, o pati :

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 44:23

E tupu kua kotou tutu le iseso ti kua kotou agasala ki le Eteleno, talie na leaise kotou fakalogo ki le leo o le Eteleno, ti na leaise kotou taupau lana lao, mo ana fakatotonu, mo ana pelesepeto, koia leia kua soko ai a malaia ana kia koutou, ofaipe le nea kua kotou tio ki ai i le aso nei.

Selemia 44:9

Pe kua galo ia koutou a agasala o okoutou tamana, mo agasala o sau o Suta, mo agasala o alatou avaga, mo akoutou agasala, mo agasala o okoutou avaga, ala na fai i le fenua o Suta mo ala o Selusalemi ?

Esekiele 23:26

E lotou too loa ou kofu iate koe, Ti e lotou ave loa ou nea fakateuteu ala na ke teu ki ai.

Esekiele 23:8

Na leaise tiaki e ia ana faiaga i Esipito : Talie na lotou momoe mo ia i lona ikiiki, Na lotou amosi ona manava fakataupoou, Na lotou liligi kiate ia alatou faiaga.

Levitiko 26:18

Ti kapau e logo ai le nea lena, e leaise kotou fakalogo aifai kiate au, e kau toe liuga loa o tua fitu le tautea o lakoutou agasala.

Levitiko 26:28

e kau toe soko atu aifai laku fakatutuu makeke kia koutou, ti e kau toe liuga loa kia koutou o tua fitu le tautea o lakoutou agasala.

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Numelo 32:14

Ti ko leinei, e kotou toe fetogi ia okoutou tamana ofaipe ni uli o tagata agasala, ke asilisili veli ai le sausau o le Eteleno ki Iselaele.