Neemia 13:16 - Tosi Tapu

¹⁶ Na i ai foki se kau Tile, kua nofo i Selusalemi, ala na aumai ia ni ika mo koloa kesekese, o fakatau ki le kakai o Suta i le aso o le sapato, i Selusalemi.

Neemia 13:16 Iomraidhean Croise

Neemia 13:15

I le temi lena, na kau tio loa i Suta ki ni iki na takatakafi i tatauaga vite i le aso o le sapato, ti mo ni iki na fakaulu ia le fulumeto ki fale, ti mo ni iki na fetuku ia i ni asino ni vino, mo ni fuai vite, mo ni fuai fiki, ti mo nea kesekese, o aumai ki Selusalemi i le aso o le sapato ; ti na kau fai loa kia latou ni valoki i aso ala na lotou fakatau ai alatou nea kai.

Neemia 13:17

Na kau fai loa ni valoki ki le kau lalasi o Suta, ti na kau pati loa kia latou : Kolea le nea veli leinei kua kotou fai, o kotou maumaui le aso o le sapato ?

Ekesote 20:10

Kae ko le fitu o aso ko le aso malolo a ia o le Eteleno, lou Atua : e leaise ke toe fai loa se gaoi, tatau fai a koe, mo lou vosa, mo lou taine, mo lau tagata fakasausau, mo lau fafine fakasausau, mo lau manu, ti mo le matapule leia e nofo i lou lotoa.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Tetelonome 5:14

Kae ko le fitu o aso ko le sapato loa a ia a le Eteleno, lou Atua : Ke aua na ke fai loa se gaoi, e koe, mo lou vosa, mo lou taine, mo lau tagata fakasausau, mo lau fafine fakasausau, mo lau pipi tagata, mo lau asino tagata, mo lau kau manu katoa, mo le matapule leia e nofo i lou fale, o tupu ke malolo lau tagata fakasausau mo lau fafine fakasausau ofaipe koe.