Neemia 1:9 - Tosi Tapu

⁹ Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Neemia 1:9 Iomraidhean Croise

Uluaki tosi o Sau 8:48

Kapau e lotou toe tafoki mai loa kiate koe i lolatou loto katoa ti mo lolatou laumalie katoa, i le fenua o olatou fili ala na ave ia latou o fakapopula, kapau e lotou fai atu kiate koe ni kole, o tagaki olatou mata ki lolatou fenua leia na ke soli ki olatou tamana, ki le kolo leia na ke filifili ti mo le fale leia na kau fakatuu ki lou suafa,

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Uluaki tosi o Koloniko 16:35

Ke kotou pati : Fakamauli matou, Atua o lomatou fakamauli, Fakatasii matou, ti ke fakamavae matou mei loto malie o atu puleaga, O tupu ke motou fakavikiviki i lou suafa maokioki Ti ke motou fefakamaloaki loa i le fakavikiviki kiate koe !

Esetalasi 6:12

Ke maumaui e le Atua, leia e agai lona suafa i le ganea lena, a sau fuli mo kakai fuli ala e falo loa olatou lima ke maumaui laku fakatotonu, ti mo maumaui le fale lena o le Atua i Selusalemi ! Ko au, Taliusi, na kau tuku le fakatotonu leinei. Ke fai katoa a ia.

Pesalemo 106:47

Fakamauli matou, Eteleno, ko lomatou Atua ! Ti ke ke fakatasii mai matou mei loto malie o atu puleaga, O tupu ke motou fakafetai ki lou suafa maokioki, Ti ke motou maua loa lomatou kololia i le fakamalo kiate koe !

Pesalemo 107:3

Ti na fakatasi e ia mei fenua fuli, Mei le potu esite mo le potu uesite, mei le potu noleto mo le tai !

Pesalemo 147:2

E toe laga e le Eteleno Selusalemi, E fakatasi e ia le kau popula o Iselaele ;

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 27:12

I le aso lena, E luui loa e le Eteleno ni fua, Mei le vaitafe o Eufalate o kaku ki le vaitafe o Esipito ; Ti e tae loa koutou fakataki tasi, fanau o Iselaele !

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Selemia 12:15

Kae ka oki loa laku taaki latou, E kau toe alofa loa kia latou, Ti e kau toe aumai loa latou taki toka tasi ki lona tofiga, Taki toka tasi ki lona fenua.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Selemia 6:22

E folafola le Eteleno, o pati : Ko leinei, e au se kakai mei le fenua o le potu Noleto, E malaga ake ki aluga se puleaga lasi mei potupotu o le malama nei.

Esekiele 14:6

Koia, ke ke pati ki le kakai o Iselaele : E folafola le Aliki, le Eteleno : Kotou toe fakasemala, ti kotou tafoki i okoutou taulaatua ; kotou tafoki okoutou mata i akoutou nea fakalialia fuli !

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Levitiko 26:3

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou,

Sakalia 8:7

Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Tetelonome 12:21

Kapau e mamao meiate koe le ganea leia e filifili loa e le Eteleno, lou Atua, ke fakanofo ai lona suafa, e feala loa ke ke tamate se manu lasi pe ko se manu ikiiki, o fai ki le nea leia kua kau fakatotonu atu kiate koe, ti e feala loa ke ke kai a ia o fai ki lou loto.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 30:1

Kapau e soko loa folafola fuli anei kiate koe, le tapuakina mo le malaia ala e kau tuku ki ou mua, kapau e ke toe too loa latou i lou loto katoa i loto malie o puleaga fuli ala na fakamavete loa a koe ki ai e le Eteleno, lou Atua ;