Neemia 1:7 - Tosi Tapu

⁷ Na motou agasala lasi kiate koe, talie na leaise motou tausi au folafola, mo au lao, ti mo au fakatotonu ala na ke tuku ki lau tagata fakasausau ko Moisese.

Neemia 1:7 Iomraidhean Croise

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Lua tosi o Koloniko 25:4

Kae na leaise tamate loa e ia ola vosa, talie na mulimuli loa a ia ki le nea leia e tuu i le lao, i le tosi a Moisese, leia e tuku ai e le Eteleno le fakatotonu leinei : aua na tamate loa a tamana o tupu ko agasala a fanau, ti aua na tamate loa a fanau o tupu ko agasala a tamana ; kae e mate loa le tagata ki lana agasala.

Lua tosi o Koloniko 27:2

Na fai loa e Sotame le nea leia e totonu ki mata o le Eteleno, o fakatatau ki nea fuli ala na fai e Osiasi, lona tamana. Kae na leaise ulu loa a ia ki le fale tapu o le Eteleno. Kae na koi tausi le kakai ki taulaatua.

Esetalasi 7:6

Na au loa le Esetalasi lena mei Papilone : ko se tagata sekelipa a ia, leia na poto i le lao a Moisese leia na tuku kiate ia e le Eteleno, le Atua o Iselaele. Ti na kau mo ia le lima o le Eteleno, lona Atua, koia na soli ai e le sau kia Esetalasi a nea fuli ala na kole e ia kiate ia.

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 89:31

Kapau e tiaki e ona vosa laku lao, Ti e leaise lotou saele o mulimuli ki aku fakatotonu,

Pesalemo 89:32

Kapau e lotou maumaui aku pelesepeto, Ti e leaise lotou taupau aku folafola,

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Taniela 9:13

Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Levitiko 27:34

Ko na a lao ala na fakasa e le Eteleno kia Moisese ki fanau a Iselaele, i aluga o le mauga o Sinai.

Sofoni 3:7

Na kau pati : Kapau fua na ke fia fakaapaapa kiate au, O tokaga ki laku fakatotonu, E leaise maumaui loa lou nofoaga, Ti e leaise soko loa tautea fuli ala na kau fakatuutuu kiate koe ! Kae na lotou fakatavili o fakakelekele alatou gaoi.

Malakia 4:4

Ke kotou manatui le lao a Moisese, laku tagata fakasausau, Leia na kau tuku kiate ia i Olepe, Ke ako ki Iselaele katoa, Kotou tausi a pelesepeto mo fakatotonu.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Tetelonome 5:1

Na fakatasii loa e Moisese a fanau fuli o Iselaele, o pati kia latou : Fakalogo mai, Iselaele, ki lao mo lekula ala e kau fakasa i le aso nei ki lou taliga. Ke kotou ako latou, ti ke kotou tausi latou.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.