Neemia 1:6 - Tosi Tapu

⁶ Ke tokaga mai lou taliga, ti ke tio mai ou mata, o fakalogo ki le kole leia e fai atu kiate koe e lau tagata fakasausau i le lakaga nei, i le ao mo le pouli, ki au tagata fakasausau a fanau o Iselaele, o kofesio a agasala a fanau o Iselaele, amatou agasala kiate koe ; talie kua motou agasala kiate koe, a au mo le fale o loku tamana.

Neemia 1:6 Iomraidhean Croise

Uluaki tosi o Sau 8:30

Alofa o tali le fakakolekole a lau tagata fakasausau mo lau kakai ko Iselaele, mo ka lotou faikole loa i le ganea leinei ! Alofa o tali mei le ganea o lou nofoaga, mei le atu lagi, tali mo fakamolemole !

Uluaki tosi o Sau 8:47

kapau e lotou fakakaukau loa i le fenua leia e lotou popula ai loa, kapau e lotou tafoki loa kiate koe, o fai ni tagi kiate koe i le fenua o latou ala na ave ia latou, ti lotou pati loa : Kua motou agasala, kua motou fai ni agaveli, kua motou fai le nea e veli !

Lua tosi o Koloniko 28:10

Ti e kotou manatu i le lakaga nei ke fai a fanau o Suta ko akoutou tagata mo fafine fakasausau ! Kae ko koutou, pe leaise kotou agasala foki ki le Eteleno, lokoutou Atua ?

Lua tosi o Koloniko 29:6

Talie na agasala otatou tamana, na lotou fai le nea leia e veli ki mata o le Eteleno, lotatou Atua, na lotou tiaki a ia, na lotou tafoki olatou mata mei le tapenakulo o le Eteleno, ti na lotou titua ki ai.

Lua tosi o Koloniko 6:40

I le lakaga nei, ei loku Atua, ke mavaa ou mata, ke logo ou taliga ki le kole leia e fai i le ganea leinei !

Esetalasi 10:1

I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

Esetalasi 10:11

Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Pesalemo 102:17

Io, e toe laga loa e le Eteleno a Sione, E sa loa a ia i lona kololia.

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 130:2

Aliki, fakalogo mai ki loku leo ! Ke tokaga ou taliga Ki le leo o laku tagi !

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 34:15

Ke ke fakamamao i le veli, ti ke ke fai le nea leia e malie. Ke ke afa le tokamalie, ti ke ke tuli a ia.

Pesalemo 55:17

Ti ko au, e kau tagi ki le Atua, Ti e fakamauli loa au e le Eteleno.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Tagi laulau a Selemia 5:7

Na agasala omatou tamana, ti kua lotou pupuli, Ti ko matou ala kua amo ia le mamae o alatou agaveli.

Taniela 9:15

I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Taniela 9:5

Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Taniela 9:8

Aliki, a matou le luma, mo omatou sau, mo omatou pule, mo omatou tamana, talie kua motou agasala kiate koe.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Efeso 2:3

Ti ko tatou fuli foki, na tou kau ia latou, ti na tou mauli i mua o mulimuli ki oli veveli o lotatou kanofi, o fai a loto o le kanofi mo otou manatu ; ti ko ni fanau tatou o le sausau i le natula, ofaipe tagata fuli.

Uluaki tosi kia Timoteo 5:5

Ko le fafine leia kua lokonui maoki, e leaise tausi a ia e se tasi, ti kua tuku e ia lana fanaki ki le Atua, ti e faikole tuumau a ia o kole lona tokoi i le po mo le ao.

Lua tosi kia Timoteo 1:3

E kau fakafetai ki le Atua, leia na tausi e oku tamana i mua, leia e kau tausi i se atamai mea, e kau manatui tuumau a koe i aku faikole i le po mo le ao ;

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.