Neemia 1:4 - Tosi Tapu

⁴ I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Neemia 1:4 Iomraidhean Croise

Lua tosi a Samuele 12:16

Na kole loa e Tavite ki le Atua ti mo sesunio o uiga mo le fanau ; ti ka ulu loa a ia ki lona fale, na moe loa a ia i le kele, i le po katoa.

Lua tosi o Sau 22:19

O tupu na lave loa le nea lena ki lou loto, o tupu na ke fakataulalo i mua o le Eteleno i lau logo ki le nea leia na kau fakasa o uiga mo le ganea leinei mo lona kakai, ala e liliu loa ko se nea fakaii ti ko se nea fakatupu malaia, talie na ke sae ou kofu ti na ke tagi i oku mua, ko au foki, na kau logo ki ai, ko le pati leinei a le Eteleno.

Lua tosi o Koloniko 6:13

Talie na fai e Salomone se ganea fai akonaki sila, o fakatuu i loto malie o le lotoa ; ko lona loa ko meta e lua vaelua, ti ko lona laulasi ko meta e lua vaelua, ti ko lona taualuga ko le meta e tasi vaelua ; na tuu loa Salomone i ai, ti na tutuli loa a ia i mua o le fakatasiga katoa o Iselaele, ti na siki loa e ia ona lima ki le lagi, o pati :

Esetalasi 1:2

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le malama nei, ti kua fakatotonu mai e ia kiate au ke fakatuu kiate ia se fale i Selusalemi i Suta.

Esetalasi 10:1

I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

Esetalasi 9:3

I laku logo ki le nea lena, na kau sae loa oku kofu mo loku taupulupulu, ti na kau futi loa oku fului ulu mo loku kaukava, ti na kau tonatona loa i le mamae.

Esetalasi 9:5

I le temi o le moliga o le afiafi, na kau tuu ake loa mei loku mafaia, mo oku kofu ti mo loku taupulupulu masaesae ; na kau tutuli loa ki lalo, o siki oku lima ki le Eteleno, loku Atua,

Neemia 2:20

Ti na kau fai loa le tali leinei kia latou : E fakamanuia loa e le Atua o le atu lagi lamatou gaoi. Ko matou ko ana tagata fakasausau, koia e motou tutuu ai loa ki aluga, ti e motou laga loa ; kae ko koutou e leai sokoutou tofiga, e leai sokoutou vaega, ti e leai sokotou fakamanatu i Selusalemi.

Neemia 2:4

Ti na pati mai loa le sau kiate au : Kolea e ke kole ? Na kau faikole i le temi lena ki le Atua o le atu lagi,

Pesalemo 102:15

Talie e alofa au tagata fakasausau ki ona fatu, E lotou pipiki ai ki lona efu.

Pesalemo 136:26

Kotou fakafetai ki le Atua o atu lagi, Talie e lee gato lona manava alofa !

Pesalemo 137:1

I kauvai o vaitafe o Papilone, Na motou tonatona ki lalo, ti na motou fetagisi, O motou manamanatu ki Sione.

Taniela 10:2

I le temi lena, ko au, Taniela, na kau nofo loa i le mamae i ni vasaa e tolu.

Taniela 2:18

O tupu ke lotou kole le manava alofa o le Atua o le atu lagi, talie ke aua na tamate a Taniela mo ona kaukaunea, o fakatasi mo le kau poto o Papilone.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Sonasi 1:9

Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Sofoni 3:18

E kau fakatasi loa latou ala e loto mamae, o mamao i aso lalasi, Latou ala na mavae mei lou manava, Latou ala e mafaia i le luma.

Loma 12:15

Ke kotou fakafiafia mo latou e fiafia ; ke kotou tagi mo latou e tagi.