Mikea 7:9 - Tosi Tapu

⁹ E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Mikea 7:9 Iomraidhean Croise

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Sopo 35:14

Logo ai e ke pati e leaise ke tio kiate ia, E tuku lau tagi i ona mua : talitali kiate ia !

Pesalemo 119:154

Puipui au, ti ke totogi au ; Toe soli mai kiate au le mauli o mulimuli ki lau fakapapau !

Pesalemo 37:6

E fakasa loa e ia lou agatonu ofaipe le malama, Ti mo lou faitotonu ofaipe le laa i le lalatea.

Pesalemo 43:1

Ke ke tuku mai kiate au loku faitotonu, ei Atua, ke ke puipui au i se puleaga lee agatonu ! Ke ke saofaki au i ni tagata kaka mo agaveveli !

Pesalemo 7:6

Ke tuli au e le fili, ti ke tapo au e ia, Ti ke takafi e ia loku mauli ki le kele, Ti ke takafi e ia loku kololia ki le kele ! - Manava

Pesalemo 94:15

Talie e fai loa le fakamaau o mulimuli ki le faitotonu, Ti e fakamaoki loa ki ai latou fuli ala e agatonu i le loto.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Esaia 56:1

Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.

Selemia 10:19

Malaia kiate au ! kua kau fatifati ! E mamae loku lavea ! Kae e kau pati : ko malaia leia e soko mai kiate au, E kau ma kataki loa a ia !

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 51:10

Kua fakasa e le Eteleno lotatou agatonu. Kotou au, ti tou fakamatala i Sione Le gaoi a le Eteleno, lotatou Atua.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Levitiko 26:41

e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Uluaki tosi a Samuele 24:15

Ko ai leia e saele ki ai le sau o Iselaele ? Ko ai leia e tuli e ia ? Ko se kuli mate, se fa kutu !

Uluaki tosi a Samuele 25:39

Na logo loa Tavite kua mate Napale, ti na pati loa a ia : Ke fakafetai ki le Eteleno leia na puipui ia au i le nea veli leia na fai mai e Napale kiate au, leia na taofi ia lana tagata fakasausau ke fai ia le veli ! Kua fakavilo e le Eteleno le agaveli a Napale ki lona ulu. Na kakau loa e Tavite ke fakaafe ake Apikaile ke liliu ko lana avaga.

Uluaki tosi a Samuele 26:10

Ti na pati loa Tavite : E mauli le Eteleno ! A le Eteleno toka tasi lona taai, pe kua soko lona aso mate ti mate a ia, pe kua ifo a ia ki se malae tau, o mate ai.

Uluaki tosi a Samuele 3:18

Na fakamatala loa e Samuele kia Eli a nea fuli, o leaise fufu e ia se nea fua e tasi. Ti na pati loa a Eli : Ko le Eteleno a ia, ke fai e ia le nea leia e malie kiate ia !