Mikea 7:8 - Tosi Tapu

⁸ Aua na ke fakafiafia o tupu ko au, ei loku fili ! Talie kapau na kau siga, e kau toe tuuake loa ki aluga ; Kapau na kau tonatona i le fakapouli, E liliu loa le Eteleno ko loku malama.

Mikea 7:8 Iomraidhean Croise

Sopo 31:29

Ti kapau na kau fiafia i le malaia o loku fili, Ti kapau na kau soposopo i le temi o lona malaia,

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 143:3

E tuli e le fili loku laumalie, E takatakafi e ia ki le kele loku mauli : E fakanofo e ia au i le fakapouli, Ofaipe latou ala kua mate talu mei fualoa.

Pesalemo 20:8

E fanaki latou anei ki alatou saliote, ti ko latou ala ki alatou osi ; Kae ko matou, e motou too le suafa o le Eteleno, lomatou Atua.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 35:19

Aua na ke tuku ke fiafia kiate au latou ala kua liliu ko oku fili kae e leai sona tupuaga : Ke aua na tio fakaveli mai kiate au latou ala e vesia fakafuanoa mai kiate au.

Pesalemo 37:21

E too e le tagata agaveli ni maua, ti e leaise ui e ia ; E loto alofa le tagata agatonu, ti e solisoli a ia.

Pesalemo 37:24

Ka siga a ia, e leaise nofo a ia i le kele, Talie e too e le Eteleno lona lima.

Pesalemo 38:16

Eteleno ! ko koe leia e kau amanaki malie ki ai ; E ke tali loa, Aliki, loku Atua !

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 97:11

E mu le malama ki le tagata agatonu, Ti mo le fiafia kia latou ala e loto sako.

Esaia 2:5

Fale o Sakopo, Kotou au, ti ke tou saele fakatasi i le malama o le Eteleno !

Esaia 49:9

Ke fakasa ia ki le kau popula : Kotou mavae ! Ti mo latou ala e nonofo i le fakapouli : Kotou au ki le malama ! E lotou fai loa pe se kau manu leia e kai i ala, Ti e lotou maua loa ni faisaga mutie sesega i mauga fuli.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Esaia 9:2

Kua ke fakaliliu le kakai o toka api, Kua ke tuku kiate ia se fiafia lasi ; Kua fiafia a ia i ou mua, ofaipe le fiafia i le tuuti o le fulumeto, Ofaipe le kalaga fakafiafia i le vae o koloa o le tau.

Selemia 48:27

Pe na leaise fai Iselaele kiate koe pe se nea fakagologolo ? Pe na ke maua a ia mo le kau kaia, ke ke masau ai kiate ia, o lu lou ulu ?

Selemia 50:11

Io, kotou nonofo i le fiafia, mo le nekenekea, Koutou ala na maumaui ia loku tofiga ! Io, kotou soposopo ofaipe se uviki pipi fafine i le mutie, Kotou tagi ofaipe ni osi itaita !

Selemia 8:4

Pati kia latou : E folafola le Eteleno, o pati : Pe ka siga ti e leaise toe tuu ake ki aluga ? Pe ka sese ti e leaise toe tafoki mai ?

Esekiele 25:6

Talie e folafola le Aliki, le Eteleno : O tupu na ke pasipasi ou lima, Ti na tukituki ou vae, O tupu na ke fakafiafia ki malaia o le kele o Iselaele, O ke fakasa ai lou vesia ki loku kakai,

Esekiele 35:15

O tupu ko le fiafia leia na ke maua Talie kua maumau le tofiga o le fale o Iselaele, E kau fai fakatatau loa kiate koe ; E ke liliu loa ko se potu lavaki, mauga o Seili, A koe mo Etome katoa. Ti e lotou iloa loa ko au ko le Eteleno.

Esekiele 36:5

E folafola le Aliki, le Eteleno, o pati : Io, i le afi o loku finenonofo, E kau masau ki la ake puleaga ti mo Etome katoa, Ala na too ia loku fenua ma latou, I le fiafia katoa o lolatou loto mo lolatou vesia kiate ia, O tupu ke lotou kaia ona fua.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Apetiasi 1:12

Na leaise tonu ke ke tio fakafiafia ki le aso o lou taina, le aso o lona malaia ; Na leaise tonu ke ke fakafiafia ki fanau a Suta i le aso o lolatou maumaui, Ti na leaise tonu ke ke lauveli kia latou i lou gutu i le aso o lolatou mamae.

Mikea 4:10

Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Mateo 4:16

Ko le kakai lena, na tonatona i le fakapouli, Kua tio ki se malama lasi ; Ti kua sopo le malama Kia latou ala na nonofo i le fenua ti mo le malu o le mate.

Soane 16:20

E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 4:9

fakavelivelii, kae e leaise tiaki ; ti ki le kele, kae leaise tamate.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.