Mikea 7:6 - Tosi Tapu

⁶ Talie e lauveli le vosa ki le tamana, E malaga le taine ki lona tinana, E agatuu le fugao ki lona tinana ; Ko le fili o le tagata ko le kakai o lona fale.

Mikea 7:6 Iomraidhean Croise

Senesi 49:4

Ko se tafe makeke a koe, kae e leaise ke maua loa le tuulaga o le uluaki, Talie na ke pale ki le moeaga o lou tamana, Ti na ke fakakelekele loku moeaga i lau pale ki ai.

Lua tosi a Samuele 16:11

Ti na pati loa Tavite kia Apisai mo ana tagata fakasausau fuli : Ko leinei, ko loku vosa, leia na ifo mei oku tootooga, e afa ki loku mauli ; ti e feaki ake loa le tagata lena o Pesamino ! Tuku a ia ke fakamalaia, talie kua pati le Eteleno kiate ia.

Pesalemo 41:9

E veli lona masaki, Ko lena kua moe a ia i lalo, e leaise toe tuu loa a ia ki aluga !

Taagapati 30:11

E i ai se tautagata leia e fakamalaia ki lona tamana, Ti e leaise tapuaki ki lona tinana.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Esaia 3:5

E fefakaveliveliaki loa le kakai ia latou ; E popula loa le tagata ki le tagata, ti e popula loa le tagata ki lona kaiga totonu. E fia nealasi loa le tama tupulaga ki le matua, Ti e fia nealasi loa le tagata noa ki le tagata mauiga.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Apetiasi 1:7

Kua kapu a koe e latou fuli ala na kau mo koe o kaku ki le koiga, Kua kakaai a koe e ou kaukaunea, ti kua lotou pule kiate koe, Ko latou ala na kai ia lau pane kua fakatuu ia ni masele kiate koe, Kae na leaise ke tio ki se nea !

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Mateo 26:23

Na tali loa a ia : Ko leia e fafa fakatasi lona lima mo au ki le pa, ko ia leia e fakatau ia loa au.

Luka 12:53

ko le tamana ki lona vosa ti ko le vosa ki le tamana, ko le tinana ki le taine ti ko le taine ki le tinana, ko le tinana ki le fugao fafine ti ko le fugao fafine ki le tinana.

Luka 21:16

E fakatau loa koutou e okoutou matua, mo okoutou fetaina, mo okoutou famili, mo okoutou kaukau nea ; ti e tamate loa se toka api o koutou.

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.