Mikea 7:20 - Tosi Tapu

²⁰ E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Mikea 7:20 Iomraidhean Croise

Senesi 24:27

o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Senesi 32:10

Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Selemia 33:6

Ko leinei, e kau soli loa kiate ia le mauli mo le malolo, ti e kau faitoo loa latou, Ti e kau fakamavaa loa kia latou se matapuna lasi o le tokamalie mo le agatonu.

Tetelonome 7:12

Kapau e kotou fakalogo loa ki lekula ana, ti mo kotou tausi loa latou, ti mo kotou fai loa latou, ti e taupau loa e le Eteleno, lou Atua, lana sai mo lona manava alofa kiate koe, ala na fai e ia ki ou tamana.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.