Mikea 7:19 - Tosi Tapu

¹⁹ E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Mikea 7:19 Iomraidhean Croise

Lua tosi a Samuele 24:14

Na tali loa Tavite kia Kate : E kau nofo i se i lasi ai ! Oi ! Ke tou vilo ki lima o le Eteleno, talie e lasi ai lona manava alofa ; kae ke aua na kau vilo ki lima o tagata !

Pesalemo 103:12

Ofaipe le potu esite e mamao i le potu uesite, E toe fakamamao loa e ia atatou agasala ia tatou.

Pesalemo 130:8

Ko ia leia e totogi ia loa Iselaele I ana agaveli fuli.

Pesalemo 85:3

Kua ke fakamolemole ki le agaveli a lou kakai, Ti kua ke uufi alatou agasala fuli ; - Manava.

Esaia 33:24

E leaise pati se tasi : E kau masaki ! E maua e le kakai o Selusalemi le fakamolemole o alatou agasala.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 33:8

E kau fakamea loa latou i alatou agasala fuli ala na lotou fai kiate au, E kau fakamolemole loa a agaveli fuli ala na lotou agasala ai kiate au, Ti na lotou agatuu ai kiate au.

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Tagi laulau a Selemia 3:22

E leaise oki agamalie o le Eteleno, E leaise gato ona manava alofa ;

Tagi laulau a Selemia 3:32

Kae, ka fakamamae e ia, E manava alofa a ia o mulimuli ki lona alofa lasi ;

Esekiele 18:22

E galoi loa a agasala fuli ala na fai e ia, ti e mauli loa a ia, o tupu ko le faitotonu leia na fai e ia.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Sakalia 3:4

Ti na pati loa le aselo kia latou ala na tutuu i ona mua : Kotou tatala ona kofu fakalialia ! Kae na pati a ia kia Sosue : Tio, kua kau too meiate koe lau agaveli, ti kua kau fakakofu a koe ki ni kofu foou.

Loma 6:14

Talie e leaise maua loa e le agasala se pule kia koutou, talie e leaise kotou nonofo i le lao, kae i le kalasia.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 8:12

Talie e kau fakamolemole loa alatou agaveli, Ti e leaise kau toe manatui loa alatou agasala.

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.