Mikea 7:18 - Tosi Tapu

¹⁸ Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mikea 7:18 Iomraidhean Croise

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Lua tosi o Koloniko 30:9

Kapau e kotou toe liliu mai ki le Eteleno, e maua loa e okoutou fetaina mo okoutou vosa le manava alofa i tafa o latou ala na ave popula ia latou, ti e lotou toe liliu mai loa ki le fenua leinei ; talie e manava alofa le Eteleno, lokoutou Atua, ti e leaise mafuli kese loa ona mata mei a koutou, mo kapau e kotou toe liliu mai kiate ia.

Lua tosi o Koloniko 6:21

Ke ke alofa o tali a kole a lau tagata fakasausau ti mo lou kakai ko Iselaele, mo ka lotou faikole loa i le ganea leinei ! Ke ke tali mei lou nofoaga, mei lagi, ke ke tali ti ke ke fakamolemole !

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 103:13

Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 35:10

E pati loa oku ivi fuli : Eteleno ! Ko ai e tatau mo koe, Ke fakamauli ia le tagata mativa i se tasi leia e makeke ake iate ia, Io, le tagata mativa mo le tagata maimoa i leia e fakamakeke ia laua ?

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Pesalemo 65:4

E fakamamae au e agasala : E ke fakamolemole loa amatou sala !

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Pesalemo 89:6

Ei Eteleno, e fakafetai le atu lagi ki au gaoi malilie, Ti mo lou agatonu i le fakatasiga o le kau sagato.

Pesalemo 89:8

E fakaii le Atua i le fakatasiga lasi a le kau aselo, E fakaii a ia kia latou fuli ala e takatakai ia a ia.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 33:24

E leaise pati se tasi : E kau masaki ! E maua e le kakai o Selusalemi le fakamolemole o alatou agasala.

Esaia 38:17

Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:25

Ko ai e kotou fakatatau au ki ai, ti ko ai leia e kau tatau mo ia ? E pati le Maokioki.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 57:10

Kua ke gaegae i le lasi o lau feanoaki, Kae e leaise ke pati fua : E kau fakafiti ki ai ! E ke toe maua foki se makeke i lou lima : Koia e leaise ke mamae ai.

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Esaia 64:9

Kua liliu ou kolo maokioki ko se toafa ; Kua liliu Sione ko se toafa, Ti kua lavaki Selusalemi.

Esaia 65:19

E kau fai loa ki Selusalemi loku nekenekeaaga, Ti ki loku kakai ko loku fiafiaaga ; E leaise toe logo loa i ai Ki le logoa o ni tagi ti mo le logoa o kalaga.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 3:5

Pe taofi loa e ia lona sausau kiate au o lee gato ? Pe taupau loa e ia lona loto veli kiate au o lee gato ? Io, e ke pati fenaaki i lou gutu, kae e leaise gato lau faiaga ! Kua ke masani ai.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 32:41

E kau fiafia loa i le fai o le nea leia e malie kia latou, Ti e kau to fakamaokioki loa latou i le fenua leinei, I loku loto katoa mo loku laumalie katoa.

Selemia 33:8

E kau fakamea loa latou i alatou agasala fuli ala na lotou fai kiate au, E kau fakamolemole loa a agaveli fuli ala na lotou agasala ai kiate au, Ti na lotou agatuu ai kiate au.

Selemia 38:8

Ti na ulu mai loa Epeti-Meleke mei le fale o le sau, o masau ki le sau, o pati :

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 18:23

E pati le Aliki, le Eteleno : Pe ko loku loto leia ke mate le tagata agasala ? Pe leaise ko loku loto ke tafoki a ia i lona ala ti ke mauli a ia ?

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 33:16

E galoi loa a agasala fuli ala na fai e ia ; kua fai loa e ia le faitotonu mo le maoki, e mauli loa a ia.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 7:8

Na pati mai loa le Eteleno kiate au : Kolea e ke tio ki ai, Amosi ? Na kau tali loa : Ki se nivo. Ti na pati loa le Aliki : E kau tuku loa le nivo ki loto malie o loku kakai ko Iselaele, E leaise kau toe fakamolemole loa kiate ia.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Loma 11:4

Kae kolea le tali a le Atua ? Kua kau fakatoe kiate au se kau tagata e tino afe e fitu ala na leikiaise peluki olatou tuli i mua o Paale.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Sakopo 2:13

talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.