Mikea 7:16 - Tosi Tapu

¹⁶ E tio loa ki ai a atu puleaga, ti e lotou luma loa, Logo ai lolatou makeke katoa ; E lotou tapono loa olatou gutu ki olatou lima, E tulituli loa olatou taliga.

Mikea 7:16 Iomraidhean Croise

Sopo 21:5

Kotou tio mai kiate au, kotou ofolele, Ti kotou tapono okoutou gutu ki okoutou lima.

Sopo 40:4

Pe makeke lou lima ofaipe le lima o le Atua, Mo lou leo ofaipe lona leo ?

Pesalemo 126:2

Koia na apele ai lomatou gutu i ni kalaga fakafiafia, Ti mo lomatou alelo i ni sua fakanekenekea ; Koia na pati ai i atu puleaga : Kua fai e le Eteleno kia latou ni nea lalasi !

Taagapati 30:32

Kapau kua taki a koe e le fia nealasi o fai ni nea fakavale, Ti kapau e ke maua ia ni manatu veveli, teki lou lima ki lou gutu :

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Esekiele 38:23

E kau fakasa loa loku lasi mo loku maokioki, E kau fakasa loa au ki mata o atu puleaga, Ti e lotou iloa loa ko au ko le Eteleno.

Mikea 3:7

E luma loa le kau kikite, ti e kukula loa le kau polofeta, E lotou uufi fuli loa olatou kaukava ; Talie e leaise tali loa le Atua.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Sakalia 12:9

I le aso lena, E kau maumaui loa a atu puleaga fuli Ala e au loa o tau ki Selusalemi.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.