Mikea 7:14 - Tosi Tapu

¹⁴ Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Mikea 7:14 Iomraidhean Croise

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 143:5

E kau manatu ki aso o le temi mua, E kau metitasio ki au gaoi fuli, E kau fakakaukau ki le gaoiaga o ou lima.

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 95:7

Talie ko ia ko lotatou Atua, Ti ko tatou ko le kakai o lona lotoa manu, Le kau ovi leia e taki e lona lima… Io, i le aso nei kapau e mafai ke kotou logo ki lona leo !

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Katiko o Katiko 4:1

E ke fulumalie ai, ei loku alofaaga, e ke fulumalie ai ! Ko ou mata ko ni lupe, I muli o lou pulou. Ko lou lau ulu e faipe se kau koti, leia e kalulu i le mauga o Kalaate.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 37:24

I au tagata fakasausau kua ke lauveli ki le Aliki, Ti kua ke pati : I le lasi o aku saliote, Na kau kava ki le tumutumu o mauga, Ki potupotu o Lipane ; E kau tuuti loa ona sete lalasi, Mo ona sipele fulumalilie, Ti e kau kaku loa ki lona tumutumu fakaoki, Ki lona vaomatua leia e faipe se faisaga laakau fua ;

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Selemia 49:31

Kotou tutuu ki aluga, kotou pale ki se puleaga tokamalie, Leia e nofo fimalie i lona nofoaga, e pati le Eteleno ; E leai ni ona matapa pe ko ni ona ukamea fakamaumau, E nofo toka tasi a ia.

Tagi laulau a Selemia 1:7

I aso o lona mamae mo lona fakaaloalofa, na manatui loa e Selusalemi A nea malilie fuli na maua e ia talu i le temi mua, I le temi leia na vilo ai lona kakai ki lima o leia na fakaveliveli ia a ia sala tokoi ; Na tio ona fili kiate ia, ti na lotou kakata i lona vilo.

Tagi laulau a Selemia 5:21

Fai ke motou toe liliu mai kiate koe, ei Eteleno, ti e motou toe liliu mai loa ! Toe soli mai kia matou ni aso ofaipe la o le temi mua !

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Levitiko 27:32

I pipi, mo ovi, mo koti, e fakamailoga loa le manu e tasi i manu e kau agafulu ke fakatapui a ia ki le Eteleno.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Apetiasi 1:19

E maua loa e latou o le saute le mauga o Esau, Ti ko latou o le toafa le fenua o le kau Filisitini ; E lotou maua loa le fenua o Efalaimi mo leia o Samalia ; Ti e maua loa e Pesamino a Kalaate.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Sakalia 10:10

E kau aumai loa latou mei le fenua o Esipito, Ti e kau fakatasi loa latou mei Asilia ; E kau aumai loa latou ki le fenua o Kalaate ti mo le fenua o Lipane, Ti e leaise feauga loa le fenua kia latou.

Sakalia 11:7

Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Malakia 3:4

Ti e malie loa le moliga a Suta mo Selusalemi ki le Eteleno, Ofaipe aso mago, ofaipe fetuu o le temi afea.

Numelo 23:9

E kau tio kiate ia mei tumutumu o utu, E kau tio kiate ia mei tumutumu o mauga liliki : Ko se kakai a ia e tuu kese lona nofoaga, Ti e leaise kau a ia ki atu puleaga.

Numelo 32:1

Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Numelo 32:4

e kau ki le fenua leia na tautea e le Eteleno i mua o fanau a Iselaele, ti e malie a ia ki le fagai manu, ti e maua e au tagata fakasausau ni kau manu lalasi.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Soane 17:16

E leaise lotou kau i le malama nei, ofaipe au e leaise kau kau i le malama nei.

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.