Mikea 7:13 - Tosi Tapu

¹³ E maumaui loa le fenua o tupu ko ona kakai, O tupu ko fua o alatou gaoi.

Mikea 7:13 Iomraidhean Croise

Sopo 4:8

Kiate au, kua kau tio totonu ki ai, ko latou ala na to ia le agaveli Ti na muluki ia le agasala na toe utu ia a fua ;

Taagapati 1:31

E lotou kai loa ki le fua o lolatou ala, Ti e lotou makokona loa i alatou tokoi totonu,

Taagapati 31:31

Kotou fakapale a ia ki le fua o lana gaoi, Ti ke fakavikiviki ana gaoi kiate ia i matapa o le kolo.

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Esaia 17:9

I le aso lena, e tiaki loa a kolo tau o Iselaele Ofaipe le tiaki i mua o kolo o le kau Evi mo le kau Amole : Ti e tuu loa i ai se toafa.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 21:14

E kau tautea loa koutou o mulimuli ki fua o akoutou gaoi, e pati le Eteleno ; E kau tuku loa le afi ki lokoutou vaomatua, Ti e kai loa e ia a nea fuli i ona tafatafa.

Selemia 25:11

E liliu loa le fenua katoa leinei ko se kele maumau, mo se toafa, ti e popula loa a puleaga ana ki le sau o Papilone i fetuu e kau fitu.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Esekiele 12:19

Pati ki le kakai o le fenua : Ko leinei le folafola a le Aliki, le Eteleno, Ki kakai o Selusalemi i le kele o Iselaele ! E lotou kai loa lalatou pane i le mamae, Ti e lotou inu loa lalatou vai i le i, Talie e mativa loa le fenua i nea fuli e mau e ia, O tupu ko le agamakeke o latou fuli ala e nonofo i ai.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Mikea 6:13

Koia leia e kau tautea ai loa a koe ki le mamae, E kau maumaui loa a koe o tupu ko au agasala.