Mikea 7:11 - Tosi Tapu

¹¹ I le aso leia e toe laga ai loa ou kaua, I le aso lena e siki ai loa ou koiga ke mamao atu.

Mikea 7:11 Iomraidhean Croise

Neemia 2:17

Ti na kau pati loa kia latou : E kotou tio ki le malaia kua tou nofo ai ! Kua maumaui Selusalemi ti kua tutu o okioki ona matapa e le afi ! Kotou au, tou toe lagai le paa o Selusalemi, ti e leaise tou toe nofo loa i le luma.

Neemia 2:8

ti mo se tosi kia Asafe, leia e pule ki vaomatua a le sau, o tupu ke aumai e ia se laakau ke fai ai a matapa o le fale leia e ofi ki le fale tapu, mo paa o le kolo, ti mo le fale leia e kau nofo ai loa. Na tuku mai loa e le sau a tosi ana kiate au, talie na iate au le lima malie o loku Atua.

Neemia 4:3

Na nofo Topisa, le Amone, i ona tafa, ti na pati loa a ia : Ke lotou lagai fua ! Kapau e ano se lenato ki ai, e soloi loa e ia lalatou paa fatu !

Neemia 4:6

Na motou lagai loa le paa fatu i le takatakai katoa o le kolo, o kaku ki le vaelua o lona taualuga. Ti na too fakamalotoloto loa e le kakai le gaoi.

Esaia 54:11

A koe leia e mamae, mo ta e le afa, ti e leaise fakapelepele e se tasi ! Ko leinei, e kau toe laga loa a koe ki ni fatu fakateuteu fulumalilie, Ti e kau toe fai loa ou fakatafito ki le safile ;

Esaia 54:2

Fakalasi lou falela ; Folasi a puipui o lou nofoaga : Aua na ke tataofi ! Fakaloloa ou maea, Ti fakamakeke ou pou !

Esaia 58:12

E toe laga loa e au fanau ni kolo foou i aluga o kolo maumau, E ke toe fakatuu loa ki aluga ni fakatafito afea ; E fakaigoa loa a koe ko le tagata fakafoou o nea maumau, Leia e toe fakafoou ia a ala, leia e fakaliliu ia le fenua ke nofoi.

Esaia 61:4

E lotou toe laga loa ni fale foou i aluga o kolo na maumau i mua, E lotou toe laga loa a maumau afea, E lotou fakafoou loa ni kolo na tiaki, Na maumau talu mei fualoa.

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.