Mikea 6:9 - Tosi Tapu

⁹ E kalaga le leo o le Eteleno ki le kolo, Ti ko leia e poto e i loa ki lona suafa. Kotou logo ki le fakaaliali o le tautea ti mo leia e kakau ia a ia !

Mikea 6:9 Iomraidhean Croise

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Sopo 10:2

E kau pati ki le Atua : Aua na ke tautea au ! Fakasa mai pe kolea leia e ke fakafesagai ai kiate au !

Sopo 23:14

Io, e fai loa e ia ana fakatutuu fuli kiate au, Ti e toe fai foki e ia mo ni iki ake fakatutuu foou.

Sopo 5:17

Manuia le tagata leia e tautea e le Atua ! Aua na ke fakanoai le tautea mei le Mafimafi.

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Pesalemo 48:10

Ei Atua, e motou manatu ki lou agamalie I loto malie o lou fale tapu.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 27:10

Talie kua tuu toka tasi le kolo tau, Ti kua liliu a ia ko se nofoaga kua tiaki noa mo lavaki ofaipe se toafa ; E kai mutie i ai le uviki pipi, e moe a ia i ai, ti e kai lau laakau a ia i ai.

Esaia 30:27

Ko leinei, e au le suafa o le Eteleno mei mamao ; Kua vevela lona sausau, ofaipe se vela makeke ; Kua apele ona laugutu i le sausau, Ti kua fai lona alelo pe se afi kaka.

Esaia 66:6

E au se leo makeke mei le kolo, E ulu se leo mei le fale tapu. Ko le leo o le Eteleno, Leia e tuku ia ki ona fili lolatou totogi.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 47:7

Pe feaki loa lau malolo ? E tuku e le Eteleno ana fakatotonu kiate ia, Ke agaaga ki Asekaloni mo le fenua o le mata tai.

Esekiele 7:9

E leaise alofa loa loku mata kiate koe, Ti e leaise kau toe maua loa se manava alofa, E kau fakaamo loa kiate koe ou ala, Ti e tuku loa i ou mua au aga fakalialia. Ti e kotou iloa loa ko au ko le Eteleno, leia e tautea ia.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Amosi 2:5

E kau kakau loa le afi ki Suta, Ti e kai loa e ia a fale sau o Selusalemi.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Mikea 6:10

Pe koi maua i le fale o le tagata agaveli Ni koloa o le agasala, Ti mo se efa sala, nea fakatupu malaia ?

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Sofoni 3:2

E leaise logo fua a ia ki se leo, E leaise tali fua e ia se valoki, E leaise fanaki a ia ki le Eteleno, E leaise fakafeofi a ia ki lona Atua.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.