Mikea 6:6 - Tosi Tapu

⁶ Kolea le nea ke ano mo au ki mua o le Eteleno, Ke kau fakataulalo ai i mua o le Atua Taualuga ? Pe kau ano loa ki ona mua mo ni failaulau, Mo ni uviki pipi fetuu taki tasi ?

Mikea 6:6 Iomraidhean Croise

Lua tosi a Samuele 21:3

Na pati loa Tavite ki le kau Kapaone : Kolea le nea e feala ke kau fai kia koutou, ti e kau fai loa kilea le fakamolemole, o tupu ke kotou tapuaki loa ki le kakai a le Eteleno ?

Pesalemo 116:12

Pe feaki loa ke kau liufaki ki le Eteleno Ana nea malilie fuli kiate au ?

Pesalemo 22:29

Talie maua e le Eteleno le pule : E pule a ia ki atu puleaga.

Pesalemo 95:2

Tou ano ki ona mua mo ni fakavikiviki, Tou fakagugulu ni katiko ki lona mauiga !

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 12:5

E kotou too loa se akeno tagata lee mele, mo fetuu tasi. E feala ke kotou too loa se akeno pe ko se uviki koti.

Ekesote 23:15

E ke taupau loa le aso o pane sala fakatupu ; i aso e fitu, i le temi leia kua oki i le fakatuutuu i le masina o fulumeto, e ke kai loa ni pane sala fakatupu, o mulimuli ki le nea leia na kau fakatotonu atu kiate koe, talie na ke mavae mei Esipito i le masina lena ; ti ke aua na au loa se tasi ki mua o le Eteleno mo lima ata.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 21:3

Ko le fai o le faitotonu mo le maoki, Ko lena le nea e mauiga ake ki le Eteleno i sakilifisio.

Esaia 40:16

E leaise feauga a laakau fuli o Lipane ke tafu ai le afi, Ti e leaise feauga ona manu ke fai ai le failaulau.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Esekiele 46:9

Kae i le aso leia e tuu ai loa le kakai o le fenua i mua o le Eteleno, i aso lalasi, ko le tagata leia e ulu loa i le matapa noleto, ke atolasio ki le Eteleno, e ulu loa ki fafo i le matapa saute, ti ko le tagata leia e ulu loa ki loto i le matapa saute e ulu loa ki fafo i le matapa noleto ; e leaise tonu loa ke toe liliu i le matapa leia na ulu ai ki loto, kae ke ulu loa ki fafo i le matapa leia e tautonu mo ia.

Taniela 3:26

Ti na fakafeofi loa Nepukatenesale ki mua o le gutuumu kaka, ti na masau loa a ia, o pati : Satalake, mo Mesake, mo Apeteneko, tagata fakasausau a le Atua taualuga, kotou ulu mai ki fafo, ti kotou au ! Ti na mavae ake loa Satalake, mo Mesake, mo Apeteneko mei loto o le afi.

Taniela 4:9

Pelesatesale, pule o le kau fai nea fakatalatupua, e kau iloa e ke nofo mo le laumalie o atua maokioki, ti e leaise faigataa se nea fakapulipuli kiate koe, fakamatala mai kiate au le uiga o nea ala na kau tio ki ai i laku moe miti.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Numelo 7:51

mo se pipi tagata muli, mo se ovi tagata, mo se akeno fetuu tasi, ki le failaulau ;

Mateo 19:16

Ti ko leinei, na fakafeofi ake loa se tagata, o pati kia Sesu : Pule, kolea le nea leia e tonu kau fai o malie ke maua ai le mauli lee gato ?

Maleko 12:33

ti ko le alofa kiate ia i le loto katoa, mo le atamai katoa, mo le laumalie katoa, mo le makeke katoa, ti mo le alofa ki le oloi ofaipe kiate kita totonu, e lasi ake i failaulau fuli mo sakilifisio fuli.

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.

Luka 10:25

Na tuu loa ki aluga se toketa o le lao o pati kia Sesu, ke asiasii ai a ia : Pule, kolea le nea e tonu ke kau fai ke maua ai le mauli lee gato ?

Soane 6:26

Na tali loa Sesu kia latou : E maoki, e maoki, e kau pati atu kia koutou, e kotou afa au, o leaise tupu ko lakotou tio ki ni milakulo, kae o tupu ko lakotou kai ni pane o makokona.

Gaoi 16:17

Ti na muli loa a ia ia Paulo mo matou, o kalaga : Ko tagata anei ko ni tagata fakasausau a le Atua Taualuga, ti e lotou fakasa atu kia koutou le ala o le mauli.

Gaoi 16:30

Ti na taki loa e ia laua ki fafo, o pati : Ei aliki, kolea e tonu ke kau fai ke kau mauli ai ?

Gaoi 2:37

I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?

Efeso 3:14

O tupu ko le nea a ia, e kau peluki oku tuli i mua o le Tamana,

Epelo 10:11

Ti e tuu i aluga a tagata fai sakilifisio fuli i aso taki tasi o fai lana gaoi, ti e momoli tuumau e ia a sakilifisio tatau, ala e leaise mafai ke too ia i se aso a agasala.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.