Mikea 6:5 - Tosi Tapu

⁵ Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Mikea 6:5 Iomraidhean Croise

Pesalemo 111:4

E loto a ia ke fakamanatu ana gaoi fakatalatupua. E manava alofa le Eteleno ti e apele a ia i le alofa.

Pesalemo 143:11

O tupu ko lou suafa, Eteleno, toe soli mai le mauli kiate au ! I lou faitotonu, too loku laumalie i le mamae !

Pesalemo 36:10

Talie e iate koe le matapuna o le mauli. I lou malama e motou tio ai ki le malama.

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Esaia 1:27

E fakamauli loa Sione i le maoki ; Ti ko latou ala e tafoki loa i ai e fakamauli loa i le faitotonu.

Numelo 22:41

I le usu, na too loa e Palake a Palaame, ti na fakapale loa e ia a ia ki le mauga ko Pamoti-Paale, o tio loa Palaame mei ai ki se koga o le kakai o Iselaele.

Numelo 23:27

Na pati loa Palake kia Palaame : Au loa, e kau ave loa a koe ki se tasi ake ganea kese. Lagi tali loa e le Aliki ke ke tuku ia se malaia ki le kakai leinei mei le ganea lena.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Numelo 31:16

Ko leinei, ko latou ala na taki ia tagata o Iselaele ke agasala ki le Eteleno i le faiganea o Peoli, o mulimuli ki le tokoi a Palaame ; ti koia leia na vilo ai le malaia i le fakatasi a le Eteleno.

Numelo 31:8

Na lotou tamate loa a sau e lima o Matiane : ko Evi, mo Lekeme, mo Tesuli, mo Uli, mo Lepa, mo Palaame, vosa o Peoli.

Numelo 33:49

Na lotou fakatuu loa olatou falela i tafa o le Solotane, i le vasa o Pete-Sesimoti mo Apele-Sitime, i le fenua o Moape.

Efeso 2:11

Koia, ko koutou kau pagani i mua i le kanofi, na fakaigoa ko le kau lee silikosisio e latou ala e pati ko le kau silikosisio talie na silikosisio latou i le kanofi e le lima o le tagata,

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.

Tetelonome 23:6

Ke aua na afa loa i se aso le malolo mo le malie o kakai ana e lua, i le temi katoa o lou mauli.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 3:1

Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Sosue 4:19

Na mavae loa le kakai i le Solotane i le aso kau agafulu o le uluaki masina ti na lotou nonofo loa i Kilikale i le fetuu esite o Seliko.

Lua tosi a Petelo 2:15

Kua lotou tiaki le ala totonu, ti kua lotou sese ; kua lotou muli i le ala o Palaame, ko le vosa o Peole, leia na manako ki le totogi o le agaveli,

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Tuifakamaau 11:25

Pe ke masalo e ke makeke ake ia Palaki, vosa o Tesipoli, sau o Moape ? Kae ko ia, na leaise afa e ia ke fefele mo Iselaele pe ke tau kiate ia.

Tuifakamaau 5:11

I olatou leo, mei loto malie o inuaga o manu, Ke fakavikiviki le kau fai kalolo ki gaoi malilie a le Eteleno, Ki gaoi malilie o lona tagata taki i Iselaele ! Koia na ifo ai loa le kakai o le Eteleno ki matapa.

Uluaki tosi a Samuele 12:7

I le lakaga nei, kotou tutuu, ti e kau fakamaaui loa koutou i mua o le Eteleno, ki nea malilie fuli ala na soli atu e le Eteleno kia koutou, kia koutou mo okoutou tamana.