Mikea 6:2 - Tosi Tapu

² Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.

Mikea 6:2 Iomraidhean Croise

Lua tosi a Samuele 22:16

Na sa loa le takele o le moana, Na sa loa a fakatafito o le malama nei, I le valoki a le Eteleno, I le logoa o le tukumanava o ona pogoisu.

Lua tosi a Samuele 22:8

Na gatuu loa le kele mo galulu, Na taugaoi loa a fakatafito o le lagi, Ti na lotou galulu loa, talie na ita a ia.

Pesalemo 104:5

Na fakatuu e ia le malama nei i ona fakatafito, E leaise taugaoi loa a ia i se aso.

Taagapati 8:29

I lana tuku se koiga ki le tai, Ke aua na fakalaka ona galu i le matatai, I lana teki a fakatafito o le kele,

Esaia 1:18

Kotou au, ti ke tou masau fakatasi ! e pati le Eteleno. Kapau e kula akoutou agasala ofaipe le toto, e lotou liliu loa o tea ofaipe le nive ; Kapau e lotou kula ofaipe le pulupe, e lotou liliu loa o tea ofaipe le fului akeno tea.

Esaia 3:13

Kua tuu le Eteleno ki aluga ke folafola, Kua tuu a ia i aluga o fakamaaui a kakai.

Esaia 43:26

Fafagu loku manatu, ta masasau fakatasi, Masau mai a koe totonu, o fakasa mai lou faitotonu !

Esaia 5:3

Koia i le lakaga nei, kakai o Selusalemi mo tagata o Suta, Ke kotou liliu ko ni tui fakamaau iate au mo laku vite !

Selemia 2:9

Koia e pati le Eteleno : E kau loto ke kau toe masau kia koutou, E kau loto ke kau masau ki akoutou fanau ti mo fanau o akoutou fanau.

Selemia 25:31

E kaku loa le logoa ki potupotu o le malama nei ; Talie kua fefele le Eteleno mo atu puleaga, Ti kua fakamaui e ia tagata fuli, Ti kua tuku e ia le kau agaveli ki le seleta, e pati le Eteleno.

Selemia 31:37

E folafola le Eteleno, o pati : Kapau e mafai ke fuafua a atu lagi i aluga, Kapau e mafai ke ulu o kaku ki fakatafito o le kele, Ti e kau tiaki loa le sakoga katoa o Iselaele, O tupu ko nea fuli ala na lotou fai, e pati le Eteleno.

Oseo 12:2

E kai e Efalaimi le matagi, ti e tuli e ia le matagi o le potu Esite. I aso fuli e liuliuga e ia le loi mo le agaitaita ; E fai e ia se sai mo Asilia, Ti e fetuku e ia se lolo ki Esipito.

Oseo 12:3

E valoki foki e le Eteleno a Suta, Ti e tautea loa e ia Sakopo o fakatatau ki lana aga, E totogi loa e ia kiate ia o mulimuli ki ana gaoi.

Oseo 4:1

Kotou fakalogo ki le folafola a le Eteleno, fanau o Iselaele ! Talie e fakamaau e le Eteleno le kakai o le fenua, Talie kua puli le maoki, kua puli le manava alofa, Kua puli le iloa o le Atua i le fenua ;

Mikea 6:1

Ke kotou fakalogo mai ki le nea leia e fakasa e le Eteleno : Ke ke tuu ki aluga, ke ke masau i mua o mauga, Ti ke logo a mauga liliki ki lou leo !…

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.