Mikea 6:16 - Tosi Tapu

¹⁶ E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Mikea 6:16 Iomraidhean Croise

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Lua tosi o Sau 16:3

Na saele loa Akase i le ala o sau o Iselaele ; ti na momoli foki e ia lona vosa i le afi, o mulimuli ki aga fakalialia a atu puleaga pagani, ala na kapu e le Eteleno i mua o fanau a Iselaele.

Lua tosi o Sau 21:3

Na toe fakatuu loa e ia a ganea taualuga, ala na maumaui e Esekiasi, lona tamana ; na fakatuu loa e ia ni aletale kia Paale, ti na fai loa e ia se fakatata o Asetalate, ofaipe le fai e Akapo, sau o Iselaele, ti na atolasio loa a ia ki le kau tau katoa o le lagi mo tausi ki ai.

Lua tosi o Koloniko 22:4

Na fai loa e ia le nea leia e veli ki mata o le Eteleno, ofaipe le fale o Akapo, leia na maua loa e ia mei ai ni tagata tokoi i le oki o le mate o lona tamana ki lona malaia.

Lua tosi o Koloniko 34:25

Talie na lotou tiaki au kae lotou momoli ni kaloni ki ni iki ake atua, ke kau itaita ai ki gaoiaga fuli o olatou lima, kua maligi loa loku sausau ki le ganea leinei ti e leaise toe taofi loa a ia.

Pesalemo 1:1

Manuia le tagata leia e leaise saele o mulimuli ki le tokoi a le kau agaveli, Leia e leaise tuu i le ala o le kau agasala, Ti e leaise tonatona fakatasi mo le kau gologolo,

Pesalemo 44:13

E ke fakatau lou kakai ki se nea noa, E leaise mauiga a ia kiate koe.

Pesalemo 44:14

E ke tuku matou ke liliu ko se nea fakalumaluma ki atu puleaga ia matou, Ko se nea fakagologolo mo fakakata kia latou ala e takatakai ia matou.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Selemia 19:8

E kau fakaliliu loa le kolo leinei ko se nea maumau ti mo se nea fakagologolo ; E ofolele loa latou fuli ala e fakalaka loa i ona tafa, Ti e lotou mapu loa ki ona lavea fuli.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 51:51

Na motou luma i lamotou logo ki lauveli ; Na apele omatou mata i le luma, I le aso na ulu ni matapule Ki le sagatualio o le fale o le Eteleno.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Tagi laulau a Selemia 5:1

Eteleno, manatui le nea leia kua soko kia matou ! Tokaga, tio mai ki lomatou luma.

Esekiele 39:26

Ti e lotou galoi loa lolatou luma, Ti mo agatuu fuli ala na lotou fai kiate au, I le temi leia na lotou nonofo ai i le fimalie i lolatou fenua, Ti na leaise tasi ke fakamamae ia latou.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Oseo 12:14

I se polofeta na fakamavae loa e le Eteleno Iselaele i Esipito, Ti na taupau loa Iselaele e se polofeta.

Oseo 5:11

Kua fakamakeke Efalaimi, kua fatii a ia e le tautea, Talie na mulimuli a ia ki manatu noa o lona loto.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Mikea 6:13

Koia leia e kau tautea ai loa a koe ki le mamae, E kau maumaui loa a koe o tupu ko au agasala.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.