Mikea 6:1 - Tosi Tapu

¹ Ke kotou fakalogo mai ki le nea leia e fakasa e le Eteleno : Ke ke tuu ki aluga, ke ke masau i mua o mauga, Ti ke logo a mauga liliki ki lou leo !…

Mikea 6:1 Iomraidhean Croise

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Pesalemo 50:4

E kalaga a ia ki le atu lagi i aluga, Ti e kalaga a ia ki le kele, o tupu ke fakamaau lona kakai :

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 3:13

Kua tuu le Eteleno ki aluga ke folafola, Kua tuu a ia i aluga o fakamaaui a kakai.

Selemia 13:15

Kotou fakalogo ti kotou tokaga mai okoutou taliga ! Aua na kotou fia nealasi ! Talie e folafola le Eteleno.

Selemia 22:29

Kele, kele, kele, Fakalogo ki le folafola a le Eteleno !

Esekiele 36:1

Ti ko koe, vosa o le tagata, kikite ki mauga o Iselaele ! E ke pati loa : Mauga o Iselaele, kotou fakalogo mai ki le folafola a le Eteleno !

Esekiele 36:8

Kae ko koutou, mauga o Iselaele, e tupu loa okoutou laa o lalasi, Ti e kotou amo loa ni fua ki loku kakai ko Iselaele ; Talie kua vave soko a nea ana.

Esekiele 37:4

Na pati mai loa a ia kiate au : Kikite ki ivi ana, o pati kia latou : Ivi malolo, kotou fakalogo mai ki le folafola a le Eteleno !

Esekiele 6:3

E ke pati loa : Mauga o Iselaele, Kotou fakalogo mai ki le folafola a le Aliki, le Eteleno ! Ko leinei le folafola a le Aliki, le Eteleno, Ki mauga lalasi mo mauga liliki, ki vanu mo vaivailiua : Ko leinei e kau kakau mai loa le seleta kia koutou, Ti e kau maumaui loa okoutou ganea taualuga.

Amosi 3:1

Fanau o Iselaele, kotou fakalogo ki le folafola leinei na puaki e le Eteleno kia koutou, Ki le famili katoa leia na kau aumai mei le fenua o Esipito !

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Mikea 6:2

Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.

Luka 19:40

Na tali loa a ia : E kau pati atu kia koutou, kapau e lotou fakalologo, ti e kalaga loa a fatu anei !

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Uluaki tosi a Samuele 12:7

I le lakaga nei, kotou tutuu, ti e kau fakamaaui loa koutou i mua o le Eteleno, ki nea malilie fuli ala na soli atu e le Eteleno kia koutou, kia koutou mo okoutou tamana.

Uluaki tosi a Samuele 15:16

Na pati loa Samuele kia Saulo : Talitali, ti e kau fakasa atu loa kiate koe le nea leia na fakasa mai e le Eteleno kiate au i le po leinei. Ti na pati loa Saulo kiate ia : Masau !