Mikea 5:4 - Tosi Tapu

⁴ Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mikea 5:4 Iomraidhean Croise

Pesalemo 145:12

O tupu ke e iloa e vosa o tagata lou mafimafi Ti mo le kololia lasi o lau pule.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 72:8

E pule loa a ia mei se tasi a tai ki le tasi a tai, Ti mei le vaitafe lasi o kaku ki potupotu o le malama nei.

Pesalemo 93:1

E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Ekesote 23:21

Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 49:5

I le aso nei, e folafola le Eteleno, Leia na fau ia au talu mei loku tupu ke liliu ko lana tagata fakasausau, Ke toe aumai kiate ia Sakopo, Ti mo Iselaele leia koi mavetevete ; Talie e kau mauiga ki mata o le Eteleno, Ti ko loku Atua ko loku makeke.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 52:13

Ko leinei, e manuia loa laku tagata fakasausau ; E pale ake loa a ia ki aluga, e malaga loa a ia ki aluga, e malaga loa a ia o taualuga.

Esaia 8:7

Ko leinei, e fai loa e le Aliki ke pale mai kia latou A vai makeke mo lalasi o le vaitafe (Le sau o Asilia mo lona kololia katoa) ; E pale loa a ia i lona tafeaga i ganea fuli, Ti e mafola loa a ia i ona kauvai fuli.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Malakia 1:5

E tio loa ki ai okoutou mata, Ti e kotou pati loa : E lasi le Eteleno O fakalaka i koiga o Iselaele !

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Luka 1:32

E lasi loa a ia, ti e fakaigoa loa a ia ko le Alo o le Taualuga, ti e soli loa e le Aliki Atua kiate ia le ekeekeaga o Tavite, lona tamana.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Uluaki tosi a Petelo 1:5

kia koutou ala kua taupau i le makeke o le Atua ki le tui ki le fakamauli leia kua teuteu ke fakasa i temi fakamuli !

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.