Mikea 5:3 - Tosi Tapu

³ E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Mikea 5:3 Iomraidhean Croise

Uluaki tosi o Sau 14:16

E tiaki loa e ia Iselaele o tupu ko agasala ala na fai e Selopoamo ti na fakaagasala ai e ia Iselaele.

Lua tosi o Koloniko 30:7

Aua na kotou faipe okoutou tamana mo okoutou fetaina, ala na agasala ki le Eteleno, le Atua o okoutou tamana, ti na tuku e ia ki le malaia ofaipe le nea leia e kotou tio ki ai.

Pesalemo 67:3

O tupu ke iloa lou ala i le malama nei, Ti mo lou fakamauli i atu puleaga fuli !

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 31:1

E pati le Eteleno : I le temi lena, e kau liliu loa ko le Atua o famili fuli o Iselaele, Ti e lotou liliu loa ko loku kakai.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Oseo 2:9

E mulii loa e ia ana feauaki, kae e leaise toe kaku loa a ia kia latou ; e afa loa e ia latou, kae e leaise toe maua loa e ia latou. Ti e pati loa a ia : E kau ano loa, ti e kau toe liliu loa ki loku uluaki avaga, talie na kau fiafia ake i le temi lena i le temi nei.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Mikea 7:13

E maumaui loa le fenua o tupu ko ona kakai, O tupu ko fua o alatou gaoi.

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 12:50

Talie ko leia e fai ia le finegalo o loku Tamana leia e nofo i le atu lagi, ko loku taina a ia, mo loku tuagaane, ti mo loku tinana.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.