Mikea 5:14 - Tosi Tapu

¹⁴ E kau fai loa laku tautea i le ita, mo le fakainaina ki puleaga Ala na leaise fakalogo.

Mikea 5:14 Iomraidhean Croise

Lua tosi o Sau 17:10

Na lotou fakatuu loa kia latou ni fakatata mo ni taulaatua i mauga liliki fuli ti mo lalo o laakau sesega fuli.

Pesalemo 149:7

O tupu ke fai le totogi ki atu puleaga, Ke tautea a atu kakai,

Pesalemo 149:9

Ke fai kia latou le tautea leia na tosi ! Ko se kololia a ia ki ana kau agatonu fuli. Kotou fakafetai ki le Eteleno !

Ekesote 34:13

Kae e kotou maumaui loa olatou aletale, e kotou momoi loa olatou fakatata, ti e kotou tekai loa olatou laakau tapu.

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Selemia 12:17

Kae kapau e leaise lotou fakalogo ki se nea, E kau maumaui loa le puleaga lena, E kau maumaui loa a ia, e kau tamate loa a ia, e pati le Eteleno.

Tagi laulau a Selemia 2:2

Na maumaui sala alofa e le Aliki a nofoaga fuli o Sakopo ; Na soloi e ia i lona ita a kolo tau o le taine o Suta, Na tekai e ia latou ki le kele ; Na fakakelekele e ia le puleaga mo ona pule.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !