Mikea 5:13 - Tosi Tapu

¹³ E kau motusi loa i loto malie o ou au taulaatua o Asetalate, Ti e kau maumaui loa ou kolo.

Mikea 5:13 Iomraidhean Croise

Esaia 2:18

E pupuli loa a taulaatua fuli.

Esaia 2:8

Kua apele le fenua i taulaatua ; Kua lotou punou i mua o le gaoiaga o olatou lima, I mua o le nea leia na fau e olatou maikao.

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Esekiele 16:41

E lotou tutu loa ou fale ki le afi, ti e lotou tautea loa a koe i mua o ni kau fafine toka api. E kau fakagato loa i ai lau faiaga ti e leaise ke toe soli loa se totogi.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 37:23

E leaise lotou toe fakakelekele loa i olatou taulaatua, mo alatou aga fakalialia, mo alatou agaveli fuli. E kau too loa latou i potu fuli ala na lotou nonofo ai ti na lotou agasala ai, ti e kau fakamea loa latou. E lotou liliu loa ko loku kakai, ti e kau liliu loa ko lolatou Atua.

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 10:2

Kua vaelua olatou loto : e lotou amo loa lona veli. E soloi loa e le Eteleno olatou aletale, ti e maumaui loa e ia olatou fakatata.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !

Sofoni 1:4

E kau falo loa loku lima kia Suta, Ti mo le kakai fuli o Selusalemi ; E kau tuuti loa i le ganea leinei a toega o Paale, Mo le igoa o ana minisi ti mo ana pelepitelo mo latou,

Sakalia 13:2

I le aso lena, e pati le Eteleno o kau tau : E kau tuuti loa i le fenua a igoa o taulaatua, O tupu ke aua na toe manatu kia latou ; E kau too loa i le fenua le kau polofeta loi mo le laumalie fakakelekele.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;

Tuifakamaau 18:17

Ti na pale loa a tagata e toka lima, ala na ano o sivisivi le fenua, ti na lotou ulu loa ki le fale ; na lotou too loa le fakatata ta, mo le efoti, mo telafimi, ti mo le fakatata ukamea saka, kae tuu loa le tagata faisakilifisio i mua o le matapa mo le kau tagata e tino lelau ono ala na too ia alatou masafu tau.