Mikea 4:8 - Tosi Tapu

⁸ Ti ko koe, tule o le kau manu, mauga ikiiki o le taine o Sione, Kiate koe e au loa, kiate koe e soko loa le pule afea, Le puleaga o le taine o Selusalemi.

Mikea 4:8 Iomraidhean Croise

Senesi 35:21

Na mavae loa Iselaele i ai ; ti na fakatuu loa e ia lona falela i leia atu fetuu o le mauga ko Miketale-Etele.

Lua tosi a Samuele 5:7

Kae na too loa e Tavite le kolo tau o Sione : ko le kolo o Tavite.

Neemia 3:25

Na gaoi loa a Palale, vosa o Usai, i le vasa o le tuliki mo le tule lasi, leia na tuu i mua o le fale sau, o ofi ki le malae o le pilisoni. Na olo mai loa kiate ia a Petasa, vosa o Paleoke.

Pesalemo 24:7

Matapa, ke kotou siki ki aluga okoutou kau matapa ; Ke kotou malaga ki aluga, matapa lee gato ! Ke kotou tuku ke ulu le sau o le kololia !

Pesalemo 48:3

E fulumalie le mauga, le fiafiaaga o le malama nei katoa, le mauga ko Sione ; Ko le potu noleto, ko le kolo a ia o le sau lasi.

Pesalemo 61:3

E kau tagi kiate koe mei le potupotu o le malama nei, i le taomia o loku loto ; Ke ke taki au ki le utu leia e leaise mafai ke kau kaku ki ai !

Katiko o Katiko 4:4

Ko lou ua e faipe le tule o Tavite, Lei na fau ke tanaki ai masafu tau ; Ko paletau e afe e tautau i ai, A paletau fuli a tagata toa.

Esaia 1:26

E kau toe fakanofo loa ou tui fakamaau ofaipe le temi mua, Ti mo ou kau fono ofaipe le kamataaga. I le oki o le nea aia, e fakaigoa loa a koe ko le kolo o le faitotonu, Kolo agatonu.

Esaia 10:32

Na toe manavanava le fili i Nope i se aso e tasi, Ti kua fakakaikai e ia lona lima ki le mauga o le taine o Sione, Le mauga o Selusalemi.

Esaia 5:2

Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Apetiasi 1:21

E pale ake loa ni tagata fakamauli ki le mauga o Sione, O fakamaaui le mauga o Esau ; Ti e maua loa e le Eteleno le pule fakasau.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Numelo 24:19

Ko leia e ulu loa meia Sakopo e pule faitalisa, E tamate e ia latou ala e sosola mei kolo.

Mateo 21:33

Kotou fakalogo mai ki se tasi folafola fakatata. Na i ai se tagata, ko se pule kaiga, leia na to ia loa se vite. Na a takatakai loa e ia le vite, ti na kenu loa e ia se nea tatau vite, ti na fakatuu loa e ia se tule ; ti oki, ti na lue loa e ia lana vite ki ni tagata faivite, ti na mavae loa a ia i le fenua.

Maleko 12:1

Na toe masau loa Sesu kia latou i ni folafola fakatata. Na to loa e se tagata se vite. Ti na takatakai loa e ia a ia ki se a, ti na kenu loa e ia se tatauaga vino, ti na fakatuu loa e ia se tule ; ti na lue loa e ia le vite ki ni tagata faivite, ti na mavae loa a ia i le fenua.

Efeso 1:21

o taualuga ake i pule fuli, mo makeke fuli, mo mafimafi fuli, mo mamalu fuli, ti mo igoa fuli ala e feala ke sua, o leaise gato fua i le sekulo leinei, kae i le sekulo foki ka au.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.