Mikea 4:7 - Tosi Tapu

⁷ E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Mikea 4:7 Iomraidhean Croise

Pesalemo 2:6

Ko au leia na pani lolo ia loku sau, I Sione, loku mauga maokioki !

Esaia 16:5

Kae e tuu mau loa le ekeekeaga o le sau i le manava alofa ; Ti e eke loa i ai se Tuifakamaau agatonu mo alofa ki le faitotonu Mei le sakoga o Tavite.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 6:13

Ti kapau e toe loa se vaega kau agafulu o le kakai, E lotou toe liliu mai loa ke tutu latou e le afi. Kae ofaipe le telepate mo le sene ala e fakatologa ia ola tafito mo ka sele, E toe tupu loa se sakoga maokioki i le kakai lena.

Esaia 60:22

E liliu loa leia e ikiiki ko se tino afe, Ti ko leia e gaegae ko se puleaga makeke. Ko au, le Eteleno, e kau fakavave loa a nea ana i lona temi.

Esaia 66:8

Ko ai na logo ki se nea felaaki i se aso ? Ko ai na tio ki se nea felaaki i se aso ? Pe feala ke tupu se fenua i se aso e tasi ? Pe feala ke fanaui se puleaga i se faiaga e tasi ? Koi kamata atu lana gaoi, kae na fanaui e Sione ona vosa !

Esekiele 43:7

Na pati mai loa a ia kiate au : Vosa o le tagata, ko leinei le ganea o loku ekeekeaga fakasau, le ganea leia e kau teki ai loa oku taga vae ; e kau nofo loa i ai o lee gato i loto malie o fanau o Iselaele. E leaise toe fakakelekele loa e le fale o Iselaele mo ona sau loku suafa maokioki ki alatou nea fakalialia mo mate o olatou sau i olatou ganea taualuga.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Apetiasi 1:21

E pale ake loa ni tagata fakamauli ki le mauga o Sione, O fakamaaui le mauga o Esau ; Ti e maua loa e le Eteleno le pule fakasau.

Mikea 2:12

E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Luka 1:33

E sau loa a ia i le fale o Sakopo o lee gato, ti e leaise toe gato loa lana pule.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.