Mikea 4:3 - Tosi Tapu

³ E liliu loa a ia ko le tui fakamaau o ni kakai mauke, Ko le alepiti o ni puleaga makeke, ala e nofo mamao. E lotou fai loa ki alatou seleta ni kosotoki, Ti ki alatou tao ni sele tuuti fulumeto ; E leaise toe tau loa se tasi puleaga ki se tasi puleaga, Ti e leaise toe ako loa le tau.

Mikea 4:3 Iomraidhean Croise

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 46:9

Ke kotou au, ke kotou tio ki gaoi a le Eteleno, Ki maumau ala na fai e ia i le malama nei !

Pesalemo 72:3

E ave loa e mauga lalasi le tokamalie ki le kakai, Ti mo mauga liliki foki, o tupu ko lou faitotonu.

Pesalemo 72:7

I ona aso e matalatala loa le tagata agatonu ofaipe se sei laakau, Ti e lasi loa le tokamalie o kaku ki le puli o le masina.

Pesalemo 82:8

Tuu ki aluga, ei Atua, o fakamaau le malama nei ! Talie a au a atu puleaga fuli.

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 25:3

Koia e fakakololia ai kiate koe a kakai makeke, Ti e i ai kiate koe a kolo o puleaga makeke.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 60:12

Talie ko le kakai mo le puleaga, ala e leaise tausi loa kiate koe, e mamate loa ; Io, e tuuti loa a puleaga ana.

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Oseo 2:20

I aso ana, e kau fai loa kia latou se sai mo manu o faisaga, mo manu lele o le lagi, ti mo manu totolo o le kele ; e kau fatii loa i le fenua le gasau, mo le seleta, ti mo le tau, ti e kau fakamalolo loa latou i le tokamalie.

Soele 3:2

E kau fakatasi loa a atu puleaga fuli, Ti e kau fakaifo loa latou ki le vaivailiua o Sosafate ; I ai, e kau fakamaau loa latou, O tupu ko loku kakai, o tupu ko Iselaele, loku tofiga, Leia na lotou fakamavetevete i atu puleaga, O tupu ko loku fenua leia na lotou vae ia latou.

Sakalia 14:3

E sa loa le Eteleno, ti e taui loa e ia a puleaga ana, Ofaipe lana tau i le aso o le velo.

Sakalia 8:20

E folafola le Eteleno o kau tau, o pati : E toe au loa ni kakai toka api mo ni iki ala na nonofo i ni kolo kesekese.

Sakalia 9:10

E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Apokalipisi 19:11

Ti na oki a ia, na kau tio loa kua mavaa le lagi, ti ko leinei, na sa loa se osi tea. Ko leia na eke i ai e igoa ko Agatonu mo Maoki, ti e fakamaaui e ia, ti e tau a ia i le faitotonu.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.