Mikea 4:13 - Tosi Tapu

¹³ Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Mikea 4:13 Iomraidhean Croise

Pesalemo 24:1

Pesalemo a Tavite. A le Eteleno le kele mo nea fuli e maua i ai ; Le malama nei mo latou fuli e nonofo i ai !

Pesalemo 68:29

E fakatotonu e lou Atua ke ke makeke ; Fakamakeke, ei Atua, le nea leia na ke fai kia matou !

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 21:10

Ei loku kakai, leia na ta ofaipe le ta o le fulumeto i le taaga fulumeto, Ko le nea leia na kau ako mei le Eteleno o kau tau, Atua o Iselaele, Na kau fakasa a ia kia koutou.

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Esaia 5:28

Kua matakakai ana gasau, Ti kua toso fakakitakita ana kalolo ; Kua fai a vae o ana osi pe ni fatu, Ti kua fai a teka o ana saliote pe se asesio.

Selemia 51:20

Na ke fai kiate au pe se amale, pe se masafu tau. Na kau fatifatii ni puleaga iate koe, Na kau maumaui ni kakai iate koe.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Oseo 10:11

Ko Efalaimi ko se uviki pipi fafine na fakalalata, kae e oli ke takatakafi ia le fulumeto, Kae e kau fakafeofi loa ki lona ua fulumalie ; E kau sai loa le saliote kia Efalaimi, e fakamaluu loa e Suta le kele, e fakatokatoka loa e Sakopo le kele.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Apakuki 3:12

E ke foli le kele i lou itaita, E ke takatakafi a atu puleaga i lou sausau.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Sakalia 12:6

I le aso lena, e kau fakaliliu loa a pule o Suta Ke faipe se mata afi kaka i loto o se tuuga fafie, Pe se taume ulaula i se tuuga penu ; E lotou kai loa i le fetuu atamai mo le fetuu sema a kakai fuli ala e takatakai ia latou, Ti e nofo loa Selusalemi i lona nofoaga, i Selusalemi.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sakalia 6:5

Na tali mai loa le aselo kiate au : Ko matagi ana e fa o le lagi, ala e ulu mei le ganea leia e lotou tutuu ai i mua o le Aliki o le malama nei katoa.

Uluaki tosi ki le kau Kolinto 16:2

I le uluaki aso o le vasaa, kotou tasi tuku kese i okoutou kaiga, le nea leia e kotou tasi mafai ia, o mulimuli ki lona mou koloa, o tupu ke aua na talitali ki laku kaku atu ke tanaki ai a nea alofa.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Sosue 6:19

Ke fakatapui loa le paaga katoa, mo le aulo katoa, mo nea fuli e fau ki le kapa mo le ukamea ki le Eteleno, ti e tuku loa a nea ana ki le koloa o le Eteleno.