Mikea 4:10 - Tosi Tapu

¹⁰ Taine o Sione, mamae mo tagi ofaipe se fafine leia e fanau ! Talie i le aso nei e ke mavae loa i le kolo, ti e ke nofo loa i faisaga, Ti e ke ano loa o kaku ki Papilone ; I lena e saofaki loa a koe, Ko lena e totogi ai loa a koe e le Eteleno i le lima o ou fili.

Mikea 4:10 Iomraidhean Croise

Lua tosi o Sau 20:18

Ti e too loa ou vosa, ala na tupu meiate koe, ala na fanaui kiate koe, o fakaliliu latou ko ni enuke i le fale sau o le sau o Papilone.

Lua tosi o Sau 25:4

Ti na fai loa se pu i le paa o le kolo ; ti na sosola loa a tagata tau fuli o Suta i le pouli, i le ala o le matapa i vasa o paa ala e ofi ki le oloto o le sau, kae na lolotoga takatakai e le kau Kaletea le kolo. Na too loa e le kau tagata ala na sosola le ala o le toafa.

Lua tosi o Koloniko 33:11

Koia na kakau ai loa e le Eteleno kia latou a pule solia a le sau o Asilia, ala na too ia loa Manase o tuku ki ukamea, o fakapiki ni ukamea ki lona gutu mo saisai a ia ki ni tini o ave ki Papilone.

Lua tosi o Koloniko 36:20

Na ave loa e Nepukatenesale o fakapopula i Papilone latou fuli ala na sao i le seleta ; ti na lotou popula loa kiate ia, kiate ia mo ona vosa, o kaku ki le pule a le puleaga o Pelesi,

Lua tosi o Koloniko 36:23

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le kele, ti kua fakatotonu mai e ia kiate au ke fakatuu se fale kiate ia i Selusalemi i Suta. Ko ai leia ia koutou e kau ki lona kakai ? Ke nofo mo ia le Eteleno, lona Atua, ti ke pale a ia !

Pesalemo 106:10

Na fakamauli loa e ia latou i le lima o leia na vesia kia latou, Na saofaki e ia latou i le lima o le fili.

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Selemia 13:4

Too le kilipipi leia kua ke totogi, ti ke toi a ia i lou vakavaka ; tuu ki aluga, o ano ki le Eufalate, ti ke fufu loa i ai le kilipipi i se mafaa o se utu.

Selemia 15:21

E kau saofaki loa a koe i le lima o le kau agaveli, E kau fakamauli loa a koe i lima o le kau agamakeke.

Selemia 29:20

Kae ko koutou, kotou fakalogo ki le folafola a le Eteleno, koutou fuli, kau popula, ala kua kau ave mei Selusalemi ki Papilone !

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 48:41

Kua too Kelisoti, Kua too e le fili a kolo tau, Ti kua fai a mafu o tagata toa o Moape i le aso lena Pe le mafu o le fafine e fanau.

Selemia 52:27

Na taai loa latou e le sau o Papilone, ti na tamate loa latou i Lipela, i le fenua o Amate. Na ave popula loa i ai a Suta, o mamao mei lona fenua.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mikea 5:3

E sa loa a ia, ti e pule loa a ia i le makeke o le Eteleno, Mo le mamalu o le suafa o le Eteleno, lona Atua : Ti e lotou maua loa se nofoaga totonu, Talie e fakakololia loa a ia o kaku ki potupotu o le malama nei.

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.