Mikea 4:1 - Tosi Tapu

¹ E soko loa, i se temi ki muli, E laga loa le mauga o le fale o le Eteleno I le tumutumu o atu mauga, E malaga loa a ia i aluga o atu mauga liliki, Ti e tafe loa ki ai a atu kakai ofaipe ni liua.

Mikea 4:1 Iomraidhean Croise

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 48:1

Katiko. Pesalemo o vosa o Kole.

Pesalemo 86:9

Ei Aliki, e au loa a atu puleaga fuli ala na ke fakatupu O punou i ou mua, ti mo fakakololia ki lou suafa.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 54:2

Fakalasi lou falela ; Folasi a puipui o lou nofoaga : Aua na ke tataofi ! Fakaloloa ou maea, Ti fakamakeke ou pou !

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 48:47

Kae e kau toe aumai loa le kau popula o Moape, i se temi ki muli, E pati le Eteleno. Ko lena le fakamaau o Moape.

Esekiele 38:16

E ke saele loa ki loku kakai ko Iselaele, Ofaipe se ao leia ka ufiufi ia loa le fenua. I aso fakamuli, e kau tuku loa a koe ke saele ki loku fenua, O tupu ke iloa au e atu puleaga, Mo ka ke fakasa loa, e koe, ei Koke, Ko au ko le Atua maokioki ki olatou mata !

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Esekiele 43:12

Ko lena le lao o le fale. I le tumutumu o le mauga, e maokioki loa le ganea katoa leia e tonu ke fakatuu ai a ia. Ko lena le lao o le fale.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:18

kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.