Mikea 3:8 - Tosi Tapu

⁸ Kae ko au, e kau apele i le makeke, i le Laumalie o le Eteleno ; E kau apele i le faitotonu ti mo le loto makeke, Ke fakasa kia Sakopo lana agaveli, Kia Iselaele lana agasala.

Mikea 3:8 Iomraidhean Croise

Sopo 32:18

Talie kua apele loku loto i masau ; Kua ekenaki au e le laumalie ke masau ;

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 61:2

Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Selemia 1:18

Ko leinei, kua kau fakanofo a koe i le aso nei ki le fenua katoa ofaipe se kolo tau, mo se fa pou ukamea, ti mo se paa sila, ki sau o Suta, mo ona pule, mo ona tagata faisakilifisio, ti mo le kakai katoa o le fenua.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 16:2

Vosa o le tagata, fakasa ki Selusalemi ana nea fakalialia !

Esekiele 20:4

Ko koe, vosa o le tagata, e ke fia fakamaaui latou, e ke loto ke ke fakamaaui latou ! Fakasa kia latou a nea fakalialia o olatou tamana !

Esekiele 22:2

Ti ko koe, vosa o le tagata, pe ke fakamaaui loa, pe ke fakamaaui loa le kolo tukipo ? Io, fakasa kiate ia ana nea fakalialia fuli !

Esekiele 23:36

Na pati mai loa le Eteleno kiate au : Vosa o le tagata, pe ke fakamaau loa Olola mo Ololipa ? Fakasa kia laua ala nea fakalialia !

Esekiele 3:14

Ti na siki loa au e le Laumalie, o ave. Na kau ano loa i le loto mamae mo le loto itaita, kae na gaoi makeke le lima o le Eteleno kiate au.

Esekiele 43:10

Ko koe, vosa o le tagata, fakasa le fale tapu leinei ki le fale o Iselaele ; ke lotou tio ki lona paaki, ti ke lotou fakasemala ki alatou agasala.

Mateo 7:29

talie na akonaki a ia ofaipe se tasi leia e nofo mo le pule o le Atua, kae e leaise faipe olatou sekelipa.

Maleko 3:17

mo Sakopo, vosa o Sepeteo, ti mo Soane, taina o Sakopo, ala na soli loa e ia ki ai le igoa ko Poanelesese, ko lona uiga ko vosa o le mana ;

Uluaki tosi ki le kau Kolinto 2:4

ti na leaise fai aku masau mo aku akonaki ki ni masau logo malie o le poto fakatagata, kae ki se fakamaoki o le Laumalie mo se makeke,