Mikea 3:7 - Tosi Tapu

⁷ E luma loa le kau kikite, ti e kukula loa le kau polofeta, E lotou uufi fuli loa olatou kaukava ; Talie e leaise tali loa le Atua.

Mikea 3:7 Iomraidhean Croise

Pesalemo 74:9

E leaise koi motou tio ki omatou fakamailoga ; E leaise koi maua se polofeta, Ti e leaise tasi ia matou e iloa ia pe kaku loa kiafea…

Ekesote 9:11

Na leaise feala loa ke sa a tagata fai nea fakatalatupua i mua o Moisese, o tupu ko papala, talie na kaku foki a papala ki tagata fai nea fakatalatupua ofaipe le kau Esipito katoa.

Esaia 44:25

E kau fakanoa ia a fakamailoga a kau polofeta loi, Ti e kau fakasa le valea o kau kikite ; E kau fakasolomuli le kau poto, Ti e kau fakaliliu lolatou iloa ko le valea.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Esekiele 24:22

Ti e kotou fai loa i le aso lena ofaipe laku fai. E leaise kotou uufi loa okoutou mata, ti e leaise kotou kai loa le pane a ni iki,

Levitiko 13:45

E tui loa e le tagata lena kua masaki kilia ni kofu veveli, ti e tuku fakatekateka loa e ia lona fa ulu, ti e sai loa e ia se kie o uufi ai a lalo o ona mata ; ti e kalaga loa a ia : Kelekele ! Kelekele !

Amosi 8:11

Ko leinei, e soko mai loa a aso, e pati le Eteleno, Ala e kau kakau ai loa le oge ki le fenua, Leai le oge o le pane mo le fia inu o le vai, Kae le fia kai mo le fia inu ke logo ki folafola a le Eteleno.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Mikea 7:16

E tio loa ki ai a atu puleaga, ti e lotou luma loa, Logo ai lolatou makeke katoa ; E lotou tapono loa olatou gutu ki olatou lima, E tulituli loa olatou taliga.

Sakalia 13:4

I le aso lena, e luma loa le kau polofeta ki alatou tio Mo ka lotou kikite loa, Ti e leaise lotou toe tui loa se taupulupulu fului manu o fai loi.

Uluaki tosi a Samuele 14:37

Ti na afa loa e Saulo le finegalo o le Atua : Pe kau tuli loa le kau Filisitini ? Pe ke tuku loa latou ki lima o Iselaele ? Kae i le lakaga lena na leaise tuku fua e ia se tali kia Saulo.

Uluaki tosi a Samuele 28:15

Na pati loa Samuele kia Saulo : Kolea na ke fakavisi ai ki laku malolo, o fakapale mai au ? Na tali loa Saulo : E kau nofo i se i lasi ai : talie kua taui au e le kau Filisitini, ti kua mamao le Atua iate au ; na leaise tali mai e ia kiate au, i se polofeta pe i ni moe miti. Ti na kau kalagai a koe ke ke fakasa mai le nea leia e tonu ke kau fai.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.

Uluaki tosi a Samuele 9:9

I le temi mua i Iselaele, ka ano o afa ki le Atua, na pati loa : Kotou au, ke tou ano ki le tagata kikite ! Talie ko leia e igoa i le temi leinei ko le polofeta, na igoa a ia i le temi mua ko le tagata kikite.