Mikea 3:5 - Tosi Tapu

⁵ Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Mikea 3:5 Iomraidhean Croise

Taagapati 28:21

E leaise malie le tiotio tagata i le fakamaau, Talie e mafai ke vilo se tagata ki le agasala o tupu ko se ga potu pane.

Esaia 3:12

Kua fakamakekei loku kakai e ni toe, Ti kua pule ni fafine kiate ia. Ei loku kakai ! kua fakasese a koe e latou ala e taki ia a koe, Ti kua lotou fakaliliu o fakalialia le ala leia e ke saele ai.

Selemia 23:27

E lotou loto ke fakagaloi loku suafa i loku kakai Ki moemiti ala e lotou tasi fakamatala ki lona oloi, Ofaipe le galoi o loku suafa e olatou tamana o tupu ko Paale.

Selemia 23:32

Ko leinei, e pati le Eteleno, kau vesia kia latou ala e kikite ia ni moemiti loi, Ala e fakasese ia loku kakai Ki alatou loi mo alatou kaka ; Kae na leaise kau kakau fua latou, na leaise kau tuku fua kia latou se fakatotonu, Ti e leai solatou ga aoga fua ki le kakai leinei, e pati le Eteleno.

Selemia 6:14

E lotou faitoo fakakaka le lavea o le taine o loku kakai ; E lotou pati : Tokamalie ! tokamalie ! Kae e leai se tokamalie ;

Selemia 6:4

Kotou teuteu ke osoi a ia ! Tou ano, tou pale i le lalatea totonu !… Malaia kia tatou, talie kua toetoe le aso, Kua fakaloloa a malu le afiafi.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 13:9

E vilo loa loku lima ki le kau polofeta Ala e fai ia ni tio vaiga mo ni kikite loi ; E leaise lotou toe kau loa i le fakatasiga o loku kakai, E leaise tosi loa latou i le tosi o le fale o Iselaele, Ti e leaise lotou ulu loa ki le fenua o Iselaele. Ti e kotou iloa loa ko au ko le Aliki, le Eteleno.

Oseo 4:5

E ke siga loa i le ao, E siga loa le polofeta mo koe i le pouli, Ti e kau maumaui loa lou tinana.

Soele 3:9

Kotou fakasa a nea ana i lotolotoga o atu puleaga ! Kotou teuteu ki le tau ! Kotou fafagu a tagata toa ! Ke lotou fakafeofi mai, ke lotou pale mai, Tagata tau fuli !

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Malakia 2:8

Kae ko koutou, kua kotou mavae i le ala, Kua kotou fakaliliu le lao ko se nea fakatupu siga ki se toka api, Ti kua kotou maumaui le sai mo Levi, E pati le Eteleno o kau tau.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.