Mikea 3:3 - Tosi Tapu

³ E lotou kai le kanofi o loku kakai, E lotou foke lona kili, Ti e lotou fatifatii ona ivi ; E lotou tuutuu latou ofaipe ni nea ke fakamoso i se kulo, Ofaipe ni inati i se kulo.

Mikea 3:3 Iomraidhean Croise

Pesalemo 14:4

Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

Pesalemo 27:2

Ka saele mai ni tagata agaveli kiate au, Ke kai loku tino, Ko oku fili mo oku kau fakaveliveli Ala e seke ti siga ki lalo.

Taagapati 30:14

E i ai se tautagata leia e fai ona nifo pe ni seleta, Ti mo ona kaunifo pe ni sele, Ke kai leia e mamae i le malama nei Ti mo le kau mativa i loto malie o tagata.

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 3:15

E folafola le Aliki, le Eteleno o kau tau : Ko ai na pati ke kotou takatakafi loku kakai, Ti ke kotou fakavelivelii ia le kau mativa ?

Esekiele 11:3

E lotou pati : E leaise ko le temi leinei ke tou fau ai i leinei ni fale ! Ko le kolo ko le fa kulo, ti ko tatou ko ni inati.

Esekiele 24:4

Laku ki ai a inati, a inati malilie fuli, le alaga muli, mo le alaga mua ; fakaapele a ia ki ivi malilie.

Amosi 8:4

Kotou fakalogo mai ki le nea leinei, koutou ala e kai ia le kau mativa, Ti e maumaui ia le kau fakaaloalofa o le fenua !

Mikea 2:8

Talu mei fualoa na fai loku kakai ofaipe se fili ; E kotou too le taupulupulu i aluga o kofu O latou ala e saele i le tokamalie, I le liliu mei le tau.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.