Mikea 3:2 - Tosi Tapu

² E kotou vesia ki le malie, kae e kotou alofa ki le veli ; E kotou foke le kili o le kakai ti e kotou too le kanofi i olatou ivi.

Mikea 3:2 Iomraidhean Croise

Uluaki tosi o Sau 21:20

Na pati loa Akapo kia Elia : Kua ke toe maua au, ei loku fili ? Ti na tali loa Elia : Kua kau maua a koe, talie kua ke fakatau a koe ke fai le nea leia e veli ki le Eteleno.

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Pesalemo 53:4

Kua lotou sese fuli, kua lotou fakalialia fuli ; E leaise toka tasi e fai ia le malie, e leaise fa toka tasi fua.

Taagapati 28:4

Ko latou ala e tiaki ia le lao e vikiviki ki le tagata agaveli, Kae ko latou ala e tausi ki le lao e iita kiate ia.

Esaia 3:15

E folafola le Aliki, le Eteleno o kau tau : Ko ai na pati ke kotou takatakafi loku kakai, Ti ke kotou fakavelivelii ia le kau mativa ?

Esaia 5:20

Malaia kia latou ala e fakaigoa ia le veli ko le malie, ti mo le malie ko le veli, Ala e fetogi ia le fakapouli ko le malama, ti mo le malama ko le fakapouli, Ala e fetogi ia le kona ko le suamalie, ti mo le suamalie ko le kona !

Esaia 57:12

E kau fakasa loa lou anoaga totonu, Ti e leaise aoga loa au gaoi kiate koe.

Esekiele 11:7

Koia e folafola ai le Aliki, le Eteleno, o pati : Ko okoutou mate ala na kotou laku i loto malie o le kolo Ko le inati latou, ti ko le kolo, ko le kulo a ia ; Kae ko koutou, e fakamavae loa koutou i ai.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Esekiele 24:4

Laku ki ai a inati, a inati malilie fuli, le alaga muli, mo le alaga mua ; fakaapele a ia ki ivi malilie.

Esekiele 34:3

Na kotou kai le gako, ti na kotou teu ki le fului akeno, ti na kotou tamate a manu pepeti, ti na leaise kotou fagai le kau ovi.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Mikea 2:8

Talu mei fualoa na fai loku kakai ofaipe se fili ; E kotou too le taupulupulu i aluga o kofu O latou ala e saele i le tokamalie, I le liliu mei le tau.

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Soane 18:40

Ti na lotou toe kalaga fuli loa : Leai a ia, kae ko Palapasi. Kae ko Palapasi ko se tagata kaia a ia.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Lua tosi kia Timoteo 3:3

mo loto sala manavaalofa ki kaiga, mo lee taupau a fakapapau, mo fakatupu loi, mo oli veli, mo agamakeke, mo nukinuki ki le kakai malie,