Mikea 2:4 - Tosi Tapu

⁴ I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Mikea 2:4 Iomraidhean Croise

Lua tosi a Samuele 1:17

Ko leinei le laumate leia na fatu e Tavite kia Saulo mo Sonatane, lona vosa,

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Sopo 27:1

Na fai loa e Sopo se masau mamafa, o pati :

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Esaia 24:3

Kua maumaui le fenua, ti kua kaia a ia ; Talie kua fakatotonu a ia e le Eteleno.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 6:12

E tuku loa olatou fale ki ni iki, Mo olatou faisaga ti mo alatou avaga, I le aso leia e falo ai loa loku lima ki le kakai o le fenua, E pati le Eteleno.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Esekiele 16:44

Ko leinei, ko latou fuli ala e fai taataaga e fai ia loa kiate koe le taagapati leinei : E tuu fai le taine ki le tinana !

Esekiele 2:10

Na folasi loa e ia le tosi i oku mua, ti na tosi a ia i loto mo tafa ; na tosi i ai ni tagi, mo ni mamae, mo ni malaia.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:8

Ke ke tagi laulau, ofaipe le taine taupoou leia e tui ia le taga, O tagi ki le alofaaga o lona temi tupulaga !

Amosi 5:1

Kotou fakalogo mai ki le folafola leinei, Ki le tagi laulau leinei e kau sua kia koutou, Fale o Iselaele !

Amosi 5:17

I vite fuli e tagi laulau loa, I le aso leia e kau fakalaka ai loa i loto malie o ou, e pati le Eteleno.

Mikea 1:15

Kakai o Malesa, e kau aumai loa kiate koe se pule foou ; E ano loa le kololia o Iselaele o kaku ki Atulami.

Mikea 1:8

Koia leia e kau tagi ai loa, e kau tagi laulau loa, E kau saele kilii vae loa mo fakatekateka loa, E kau kalaga loa ofaipe se kuli vao, Ti e kau tagi loa ofaipe le otulusi.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Apakuki 2:6

Pe leaise liliu loa a ia ki kakai fuli ko ni nea fakakatai, Mo se nea fakagologolo mo se nea fakaofolele ? E pati loa : Malaia ki le tagata leia e fakatuuga ia a nea ala e leaise ko ni ana nea ! E kaku loa ki afea ?… Malaia ki le tagata leia e fakatuuga ia ona maua !

Sofoni 1:2

E kau maumaui loa a nea fuli i aluga o le malama nei, E pati le Eteleno.

Numelo 23:18

Na fai loa e Palaame lana folafola fakatata, o pati : Tuu ki aluga, Palake, ti ke fakalogo mai kiate au ! Fakalogo totonu mai kiate au lou taliga, vosa o Tesipoli !

Numelo 23:7

Na fai loa e Palaame lana folafola fakatata, o pati : Na fakaifo mai au e Palake mei Alame, Na fakaifo mai au e le sau o Moape mei mauga o Silia. Au, o fakamalaia Sakopo ! Au, o ita ki Iselaele !

Numelo 24:15

Na fai loa e Palaame lana folafola fakatata, o pati : Ko leinei le folafola a Palaame, vosa o Peoli, Ko leinei le folafola fakatata a le tagata leia e tio malama,

Numelo 24:3

Na fai loa e Palaame le masau fakatata, o pati : Ko leinei le folafola a Palaame, vosa o Peoli ! Ko leinei le folafola a le tagata leia e tio malama !

Maleko 12:12

Na lotou afa ke too a ia, kae na lotou tuania ia le kakai. Na lotou matala loa na fakasa e Sesu le folafola fakatata lena kia latou. Ti na lotou mavae loa iate ia, o ano.

Tetelonome 28:29

E ke saele taufa loa i le lalatea ofaipe le kivi leia e taufa i le fakapouli. E leaise manuia loa sau gaoi fua e tasi, kae e ke mamae loa ti e ke fakaaloalofa loa i aso fuli. Ti e leaise maua loa se tasi ke fakamauli ia a koe.