Mikea 2:12 - Tosi Tapu

¹² E kau fakatasi fuli loa a koe, ei Sakopo ! E kau fakatasi loa a toetoega fuli o Iselaele, E kau fakatasi loa latou ofaipe ni ovi o se fale manu, Ofaipe se kau manu i lolatou lotoa manu ; E i ai loa se logoa lasi o tupu ko le lasi o tagata.

Mikea 2:12 Iomraidhean Croise

Senesi 36:33

Na mate loa a Pela, ti na sau loa a Sopape, ko le vosa o Selake mei Potisela, o fetogi a ia.

Uluaki tosi o Koloniko 1:44

Na mate loa Pela ; ti na sau loa Sopape, vosa o Selake, mei Potesela, o fetogi a ia.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 27:12

I le aso lena, E luui loa e le Eteleno ni fua, Mei le vaitafe o Eufalate o kaku ki le vaitafe o Esipito ; Ti e tae loa koutou fakataki tasi, fanau o Iselaele !

Esaia 34:6

Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Esaia 5:17

E kai loa ni kau ovi ofaipe i lolatou faisaga, Ti e kai loa e ni kau matapule a koloa i fale maumau o le kau mou koloa.

Selemia 23:3

Kae e kau fakatasi loa le toega o laku kau ovi Mei fenua fuli ala na kau kapu latou ki ai. E kau aumai loa latou ki lolatou lotoa ; E lotou fanaunau loa ti mo liuliuga loa.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Esekiele 34:11

Talie e folafola le Aliki, le Eteleno, o pati : Ko leinei, e kau tokaga totonu loa ki aku ovi, ti e kau lau loa latou.

Esekiele 34:13

E kau too mai loa latou i loto o atu puleaga, ti e kau fakatasii loa latou i fenua fuli, ti e kau aumai loa latou ki lolatou fenua ; e kau fagai loa latou i mauga o Iselaele, i tafatafa o liua, mo ganea apiapi fuli o le fenua.

Esekiele 34:22

E kau au loa o saofaki aku ovi, o tupu ke aua na toe maua latou e ni tagata kaia, ti e kau fakamaaui loa le ovi mo le ovi.

Esekiele 34:31

Ko koutou, ko aku ovi, ko ovi o loku lotoa, ko koutou ko ni tagata ; ko au, ko lokoutou Atua, e pati le Aliki, le Eteleno.

Esekiele 36:37

E folafola le Aliki, le Eteleno, o pati : Ko leinei foki le tasi a nea leia e kau tuku ai loa le fale o Iselaele ke kalaga mai kiate au, ti e kau fai loa kia latou, o fakaliliu ona tagata ke api ofaipe manu o se kau manu.

Esekiele 37:21

Ti e ke pati loa kia latou : E folafola le Aliki, le Eteleno, o pati : Ko leinei, e kau too loa a fanau o Iselaele i loto malie o puleaga ala na lotou ano ki ai, ti e kau fakatasii loa latou i potu fuli, ti e kau aumai loa latou ki lolatou fenua.

Amosi 1:12

E kau kakau loa le afi ki Temane, Ti e kai loa e ia a fale sau o Potesela.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Mikea 4:8

Ti ko koe, tule o le kau manu, mauga ikiiki o le taine o Sione, Kiate koe e au loa, kiate koe e soko loa le pule afea, Le puleaga o le taine o Selusalemi.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.