Mikea 1:8 - Tosi Tapu

⁸ Koia leia e kau tagi ai loa, e kau tagi laulau loa, E kau saele kilii vae loa mo fakatekateka loa, E kau kalaga loa ofaipe se kuli vao, Ti e kau tagi loa ofaipe le otulusi.

Mikea 1:8 Iomraidhean Croise

Lua tosi o Sau 18:13

I le fetuu kau agafulu tupu fa o le sau o Esekiasi, na pale ake loa Saselipe, sau o Asilia, ke taui kolo tau fuli o Suta, ti na too loa latou e ia.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Sopo 30:29

Kua kau liliu ko le taina o kuli vao, Ko le kaukaunea o otulusi.

Pesalemo 102:6

I le lalasi o aku tukumanava, Kua pipiki loku kili ki oku ivi.

Esaia 13:21

E fai loa i ai e manu o le toafa olatou nofoaga : E nofo loa a lulu i ona fale, Ti e fai loa i ai e otulusi olotou nofoaga, Ti e soposopo loa i ai a koti.

Esaia 13:22

E tagi loa a lenato i ona fale sau, Ti e ko loa a kuli vao i ona fale fakaalialiki. Kua ofi le temi o Papilone, ti E leaise toe fakaloaloa loa ona aso.

Esaia 16:9

Koia e kau tagi ai ki le vite o Sipema, ofaipe laku tagi kia Saesele ; Eseponi mo Eleale, e kau fakavai kolua ki oku loimata ! Talie kua vilo se kalaga tau Ki akoutou taukai vite mo akoutou taukai fulumeto.

Esaia 21:3

Koia kua kau logoi ai le mamae o oku vakavaka. Kua kau maua e ni mamae, Ofaipe ni mamae o se fafine leia kua laga lona ganea. Ku leaise koi logo oku taliga, o tupu ko le tautau laga o oku mamae, Ti e leaise koi tio oku mata i loku lulu.

Esaia 22:4

Koia e kau pati ai : Kotou ave kese okoutou mata iate au, Kotou tuku au ke tagi i loku mamae ! Aua na kotou afa ke fakapelepele au I le maumaui o le taine o loku kakai.

Esaia 32:11

Ke kotou i, fafine fakaauauganoa ! Ke kotou lulu, taineliki fakafulufulumalie ! Ke kotou tatala okoutou kofu, ke kotou telefua, Ti ke kotou tui le taga !

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:19

Talie kua logo mai ni tagi mamae mei Sione : Kolea ! Kua motou maumaui ! Kua motou apele i le luma ! Kua tonu ke motou tiaki le fenua ! Kua maumaui omatou nofoaga !

Esekiele 32:18

Vosa o le tagata, Fai se tagi laulau ki le kakai api o Esipito, ti ke ti a ia ki le loloto o le kele, A ia mo taineliki o atu puleaga makeke, Ki potu loloto o le kele, Mo latou ala e ifo ki le popoko !

Mikea 2:4

I le aso lena, e fakaliliu loa koutou ko se nea fakakata. E fai loa ni tagi mamae, E pati loa : Kua motou maumau katoa ! E soli e ia ki iki le vaega o loku kakai ! Kolea koia ! E too e ia loku vaega ! E tufa e ia amatou faisaga ki le fili !…

Uluaki tosi a Samuele 19:24

Na tatala loa e ia ona teu, ti na folafola fakakikite loa a ia i mua o Samuele ; ti na teka telefua loa a ia ki le kele, o nofo fenaaki i le aso katoa lena mo le po katoa. Koia e pati ai : Pe kau foki Saulo i le kau polofeta ?