Mikea 1:7 - Tosi Tapu

⁷ E fatifatii loa ona fakatata togi fuli, E tutu loa i le afi ona totogi kelekele fuli, Ti e kau maumaui loa ona taulaatua fuli, Ala na maua ki le totogi o le faiaga, E lotou liliu loa ko se totogi o le faiaga…

Mikea 1:7 Iomraidhean Croise

Lua tosi o Koloniko 31:1

I le oki o nea fuli ana, ko latou fuli o Iselaele, ala na nofo i ai, na ano loa ki kolo o Suta, ti na lotou maumaui loa a fakatata mo taulaatua, ti na lotou maumaui loa a ganea taualuga fuli mo aletale i Suta katoa mo Pesamino, mo Efalaimi, ti mo Manase. Ti na tasi toe liliu loa a fanau fuli o Iselaele ki lona kolo, mo lona fale.

Esaia 2:18

E pupuli loa a taulaatua fuli.

Esaia 23:17

I le oki o fetuu ana e kau fitu, E toe asiasi loa le Eteleno ki Tile, Ti e toe liliu loa a Tile ki lona totogi kelekele ; E toe faiaga loa a ia ki puleaga fuli o le kele,. I aluga o le malama nei

Esaia 27:9

Koia na fakamolemole loa i ai le agasala a Sakopo, Ti ko leinei le fua o le fakamolemole o lana agasala : Kua fakaliliu e le Eteleno a fatu fuli o aletale Ke tatau mo ni fatu lase ala kua efu ; Ti e leaise toe fakatuu ake loa ki aluga a taulaatua o Asetalate mo fakatata o le laa.

Esekiele 6:6

I ganea fuli ala e kotou nonofo ai, e maumau loa okoutou kolo, Ti e tiaki loa okoutou ganea taualuga ; E popo loa okoutou aletale o tuu noa, Ti e fatifatii loa okoutou taulaatua o pupuli, Ti e laku loa okoutou fakatata o le laa ki lalo, Ti e puli noa loa akoutou gaoiaga fuli.

Oseo 2:12

Ti ko leinei e kau fakasa loa lona matagafua ki mata o ana feauaki, ti e leaise saofaki loa a ia e se tasi mei loku lima.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 8:5

Na tiaki e le Eteleno lau uviki pipi, Samalia ! Kua mu loku sausau kia latou. E kaku loa ki afea lalatou fakafiti ke fakamea latou ?

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Soele 3:3

Na lotou toso loku kakai ; Na lotou soli le tama tupulaga ki se fafine faiaga, Na lotou fakatau le taine ki se vino, ti na lotou inu.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Tetelonome 23:18

Ke aua na ke ave loa ki le fale o le Eteleno, lou Atua, le totogi o se fafine faiaga pe ko le totogi o se tagata faiaga, ke fakasoko ai se fakapapau ; talie e fakalialia le Eteleno, lou Atua, ki leia mo leia.

Tetelonome 9:21

Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.

Apokalipisi 18:3

talie kua inu e puleaga fuli le vino o le sausau o lana fai feauaki, ti kua fai feauaki mo ia a sau o le malama nei, ti kua mou koloa a kau fai koloa o le malama nei i le makeke o lona koloa fakalialia.

Apokalipisi 18:9

Ti ko sau fuli o le malama nei, ala na fai feauaki mo ia ti na mauli mo ia i le mou koloa lasi, e tagi loa mo lauga loa o tupu ko ia, mo ka lotou tio loa ki le afu o lona vela.

Uluaki tosi a Samuele 5:4

I leia ake apogipogi, na lotou alaala mafoata loa ti na lotou maua loa Takone kua tuku fakapulou i le kele, i mua o le aleka o le Eteleno, ti kua fatifati le ulu o Takone mo ona lima i mua o le matapa, koi toe fai ki lona kuaga.