Mikea 1:6 - Tosi Tapu

⁶ E kau fakaliliu loa Samalia ko se tuuga fatu i faisaga, Ko se ganea ke to ai le vite ; E kau laku loa ona fatu ki le vaivailiua, E kau tuku loa ke telefua ona fakavae.

Mikea 1:6 Iomraidhean Croise

Lua tosi a Samuele 17:13

Kapau e sola loa a ia ki se kolo, e ano loa a Iselaele katoa mo ni maea, o toso le kolo katoa lena ki le liua, o kaku ki le oki o momoi fatu fuli i le kolo.

Lua tosi o Sau 18:10

Na too loa e Salemanasale a Samalia i le sili o fetuu e tolu, i le fetuu ono o le sau o Esekiasi, leia ko le fetuu iva o le sau o Ose i Iselaele. Koia na too ai loa Samalia.

Lua tosi o Sau 18:9

I le fetuu fa o le sau o Esekiasi, leia ko le fetuu fitu o le sau a Ose, vosa o Ela, i Iselaele, na pale ake loa Salemanasale, sau o Asilia, o taui Samalia ti na takatakai loa e ia a ia.

Lua tosi o Sau 19:25

Pe na leaise ke logo na kau teuteui a nea ana talu mei mamao, Ti na kau fakatuutuu latou talu mei le temi afea ? I le lakaga nei, kua kau fakataga ke soko a nea ana, Ti ke ke fakaliliu ni kolo tau ko ni kolo maumau.

Esaia 17:1

Folafola ki Tamaso. Ko leinei, e leaise koi nofo Tamaso ko se kolo, Kae e liliu loa a ia ko se tuuga fale maumau.

Esaia 25:12

E sigai loa e ia, ti e maumaui loa e ia a kaua fatu taualuga ala na malui ia a koe Moape, Io, e laku loa e ia latou ki le kele, o kaku ki le efu.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Selemia 31:5

E ke toe to loa ni faisaga vite i mauga o Samalia ; E to loa e le kau to laakau, ti e lotou tau loa olatou fua.

Selemia 51:25

Ko leinei, e kau ita kiate koe, mauga maumau, e pati le Eteleno, A koe leia na maumaui ia le malama nei katoa ! E kau falo loa loku lima kiate koe, Ti e kau tekai loa a koe ki lalo mei aluga o utu, Ti e kau fakaliliu loa a koe ko se mauga ulaula.

Selemia 51:37

E liliu loa Papilone ko se kolo maumau, ko se nofoaga o kuli vao, Ko se nea fakaofolele mo fakagologolo ; E leaise toe maua loa i ai se kakai.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 4:1

Kolea ! Kua puli le gigila o le aulo ! Kua piapia le aulo mea ! Kua mavete a fatu o le sagatualio I poko o ala fuli !

Esekiele 13:14

E kau soloi loa ki lalo le paa leia na fakamomole ki le lase, E siga loa a ia ki le kele, ti e sa loa ona fakavae ki tafa ; E solo loa a ia, ti e kotou mamate loa i loto malie o ona maumau. Ti e kotou iloa loa ko au ko le Eteleno.

Oseo 13:16

E tautea loa Samalia, talie na agatuu a ia ki lona Atua. E lotou mamate loa i le seleta ; E laliki loa olatou toe liliki, Ti e paipaisi loa a manava o olatou fafine tinanae.

Amosi 5:11

Koia, talie na kotou takatakafi leia e fakaaloalofa, Ti na kotou too fakamakeke iate ia se fulumeto ko lana moliga, Na kotou fakatuu ia ni fale ki fatu ta, Kae e leaise kotou nonofo loa i ai ; Na kotou to ia ni vite malilie, Kae e leaise kotou inu loa lolatou vino.

Amosi 6:8

Kua fakapapau le Aliki, le Eteleno, iate ia totonu ; Kua pati le Eteleno, le Atua o kau tau : E kau fakalialia ki le fia nealasi o Sakopo, Ti e kau vesia ki ona fale sau ; E kau tuku loa ki le fili le kolo mo nea fuli i loto.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Apakuki 3:13

E ke ulu o saofaki lou kakai, O saofaki lou filifiliia. E ke fatii le taufufu o le fale o le tagata agaveli, E ke maumaui oki lona fale katoa… - Manava.

Mateo 24:2

Kae na pati loa a ia kia latou : E kotou tio ki nea fuli ana ? E kau pati maoki atu kia koutou, e leaise toe maua loa i leinei se fatu i aluga o se fatu, leia na leikiaise ti ki lalo.