Mikea 1:14 - Tosi Tapu

¹⁴ Koia leia e ke fakafiti ai loa kia Moleseti-Kate ; E liliu loa a fale o Akesipe ko se matapuna kaka ki sau o Iselaele.

Mikea 1:14 Iomraidhean Croise

Lua tosi a Samuele 8:2

Na taai foki e ia le kau Moape, ti na fakamomoe loa e ia latou ki le kele, kae fuafua loa e ia latou ki se maea ; ti na fuafua loa e ia ki le maea o tua lua ke tamate, kae na fuafua loa e ia ki le maea o tua tasi ke fakamauli. Ti na popula loa le kau Moape kia Tavite, o lotou totogi loa kiate ia se tukusau.

Lua tosi o Sau 16:8

Ti na too loa e Akase le aulo mo le paaga ala na tuku i le fale o le Eteleno ti mo koloa o le fale o le sau, ti na fakamomoli loa e ia latou ko se moliga ki le sau o Asilia.

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Selemia 15:18

Kolea e fai sosoko ai loku mamae ? Kolea e mamae ai loku lavea, ti e leaise loto ai ke mafo ? Pe kua ke fai kiate au pe se matapuna kaka, Pe se liua leia e leaise iloa papau pe i ai se vai pe leai ?

Sosue 15:44

mo Keila, mo Akesipe ti mo Malesa ; ko kolo e iva mo olatou kolo liliki.