Mateo 9:23 - Tosi Tapu

²³ I le kaku o Sesu ki le fale o le pule, o tio ki le kau pupusi fakatagi mo le kakai leia kua tagi laulau,

Mateo 9:23 Iomraidhean Croise

Lua tosi o Koloniko 35:25

Na fai loa e Selemia se lau mate o Sosiasi ; na masau a tagata sua fuli mo fafine sua fuli kia Sosiasi i alatou sua o kaku mai ki le aso nei, ti na lotou fakatuu loa a ia ko se agai fenua i Iselaele. Kua tosi a sua ana i tosi o tagi laulau.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Mateo 11:17

o pati : Na motou pupusi atu kia koutou le fakatagi, ti na leaise kotou mako ; na motou sua atu ni laumate, ti na leaise kotou tagilaulau.

Luka 7:32

E lotou faipe ni toe ala e nonofo o manonogi i lamatua, ti e kalaga a iki ki la, o pati : Kua motou ta se lagi ke kotou mako, ti na leaise kotou mako ; kua motou sua atu kia koutou ni laumate, ti na leaise kotou tagilaulau.

Gaoi 20:10

Kae na ifo loa ki lalo Paulo, o punou kiate ia, o luluku a ia i ona lima, o pati : Aua na kotou mamae, talie e nofo lona laumalie iate ia.

Gaoi 9:39

Ti na tuu ake loa Petelo o ano mo laua. I lana kaku atu ki ai, na taki loa a ia ki le kogafale i fata. Ti na takatakai loa a ia e fafine lokonui fuli, o tagi mo fakasa ake kia Petelo a kofu mo taupulupulu ala na fai e Tolokasi i lana koi nofo mo latou.

Apokalipisi 18:22

Ti e leaise toe logo loa iate koe ki le leo o le kau ta alepe, mo le kau fai musika, mo le kau pupusi fulute, ti mo le kau pupusi fakatagi. E leaise toe maua loa iate koe se tufuga e tasi, ti e leaise toe logo loa iate koe ki le tatagi o le fuaga ;